جولاۋشى قايتىس بولدى: قوستاناي- الماتى باعىتىنداعى ۇشاق استاناعا شۇعىل قوندى

Жолаушы қайтыс болды: Қостанай-Алматы бағытындағы ұшақ Астанаға шұғыл қонды
فوتو: ۆيكتور فەديۋنين/kazinform

استانا. قازاقپارات - FlyArystan اۋە كومپانياسىنىڭ قوستاناي- الماتى باعىتىنداعى KC7141 رەيسى كەزىندە جولاۋشىلاردىڭ ءبىرى ۇشقاننان كەيىن كوپ ۇزاماي ءوزىن ناشار سەزىنگەن. وسىعان بايلانىستى ۇشاق استاناعا شۇعىل قوندى.

اۋە كومپانياسىنىڭ حابارلاۋىنشا، ستيۋاردەسسالار جولاۋشىنىڭ تامىر سوعىسى مەن تىنىس الۋىن تەز تەكسەرگەن، ءبىراق تىرشىلىك بەلگىلەرىن تاپپاعان. نۇسقاۋلىق بويىنشا ەكيپاج العاشقى مەديتسينالىق كومەك كورسەتۋگە كىرىسىپ، جولاۋشىلار اراسىنان دارىگەردى ىزدەۋگە كىرىستى. تابىلعان دارىگەرمەن بىرگە ستيۋاردەسسالار دەفيبريللياتور ارقىلى جۇرەك- وكپە رەانيماتسياسىن جاسادى.

«كومانديردىڭ شەشىمىمەن جولاۋشىعا مەديتسينالىق كومەك كورسەتۋ ءۇشىن ۇشاق استانا اۋەجايىنا شۇعىل قوندى. اۋە كومپانياسىنىڭ ستيۋاردەسسالارى اۋەجايعا كەلگەنگە دەيىن جۇرەك- قان تامىرلارى ماسساجىن ورىنداۋدى جالعاستىردى. وكىنىشكە قاراي، استانا اۋەجايىنىڭ دارىگەرى جولاۋشىنىڭ قايتىس بولعانىن راستادى. اۋە كومپانياسى جولاۋشىنىڭ تۋىستارى مەن جاقىندارىنا كوڭىل ايتادى»، - دەلىنگەن FlyArystan حابارلاماسىندا.

وقيعا ادەتتەگى رەيس كەزىندە ورىن الىپ، جولاۋشىلاردى شوشىتىپ، الاڭداتتى. اۋە كومپانياسى بارلىق پروتسەدۋرالار مەن حاتتامالار ساقتالعانىنا سەندىردى جانە وقيعاعا قاتتى وكىنەتىنىن ءبىلدىردى.

سوڭعى جاڭالىقتار