جول-كولىك وقيعاسىنىڭ الدىن الاتىن جۇرگىزۋشىلەرگە ارنالعان 9 ەرەجە

جولداعى قاۋىپسىزدىك تەك جول قوزعالىسى ەرەجەلەرىنە قاتىستى ەمەس. مۇنداي اپاتتاردى بولدىرماۋعا ارنالعان قاۋىپسىزدىك دەڭگەيىن ارتتىرۋعا مۇمكىندىك بەرەتىن ءبىرقاتار شارالار بار.

جىلدامدىقتى اسىرماۋ

اپاتتىڭ باستى سەبەبى جىلدامدىقتى شامادان تىس اسىرۋدان تۋىندايتىنى جاسىرىن ەمەس. ساراپشىلار ءارقاشان جولداعى رۇقسات ەتىلگەن جىلدامدىق مەجەسىنەن اسىرماۋعا، جۇيتكۋ كەزىندە اۋا-رايىنا جانە قوزعالىس قاۋىپسىزدىگىنە اسەر ەتەتىن باسقا فاكتورلارعا بەيىمدەلۋگە شاقىرادى.

قاۋىپسىز قاشىقتىقتى ۇستاۋ

ءوز كولىكتەرمەن اراداعى قاۋىپسىز قاشىقتىقتى ساقتاۋ جول قاۋىپسىزدىگىنىڭ ماڭىزدى ەلەمەنتى بولىپ تابىلادى. اراقاشىقتىقتى ساقتاي وتىرىپ ءسىز كۇتپەگەن جاعدايلاردا وڭ شەشىم قابىلداپ ۇلگەرە الاسىز.

قاۋىپسىز نۇسقادا قوڭىراۋ شالىڭىز

كولىك جۇرگىزۋ كەزىندە ۇيالى تەلەفوندى پايدالانۋ جۇرگىزۋشىلەردى جولدىڭ اتموسفەراسىنان الشاقتاتۋدىڭ نەگىزگى سەبەپتەرىنىڭ ءبىرى. اپاتتاردىڭ الدىن الۋ ءۇشىن كولىكتە قۇلاققاپتى نەمەسە ديناميك جۇيەسىن پايدالانۋ كەرەك. سونىمەن قاتار جۇرگىزۋشىگە ماتىندىك حابارلامانى جىبەرۋگە بولمايدى. ويتكەنى بۇل ارەكەت ءسىزدى قاتتى الاڭداتادى.

اۆتوكولىكتى ۇنەمى تەكسەرىستەن وتكىزۋ

اۆتوكولىككە ۇنەمى تەحنيكالىق قىزمەت كورسەتۋ - بۇل جول قاۋىپسىزدىگىنىڭ نەگىزگى اسپەكتىسى. تەجەگىش، جارىقشامدار جانە تەجەگىش جۇيەسى دۇرىس جۇمىس ىستەپ تۇرعانىنا كوز جەتكىزىڭىز. كولىكتىڭ تەحنيكالىق جاعدايى ءسىزدىڭ قاۋىپسىزدىگىڭىزگە جانە باسقا قوزعالىس مۇشەلەرىنىڭ قاۋىپسىزدىگىنە تىكەلەي اسەر ەتەدى.

اۋا رايىن ەسكەرۋ

اۋا-رايىنىڭ جولداعى ىقتيمال وزگەرىستەرىن ەسكەرۋ ماڭىزدى. بارار الدىندا كۇن رايىنىڭ بولجامىن قاداعالاڭىز. جاڭبىر، قار، تۇمان نەمەسە كوكتايعاق تراسسانى تولىق باعامداۋعا كەدەرگى كەلتىرۋى مۇمكىن. سول سەبەپتى قولايسىز اۋا-رايىنا ءوزىڭىزدى ىشتەي بەيىمدەپ جولعا شىققان ابزال.

جاياۋ جۇرگىنشىلەر مەن ۆەلوسيپەدشىلەردەن ساق بولىڭىز

ادەتتەگى جول قوزعالىسى كەزىندە بۇلاردىڭ ارەكەتىن باعامداۋ مۇمكىن ەمەس. بۇرىن ەكى اياقتى كولىكتى ەلدىڭ ءبارى ءمىنىپ، ماپەدتەردى باقىلاۋ مۇمكىن بولماي كەتىپ ەدى. ەندى بارلىعىنا بىردەي جۇرگىزۋشى كۋالىگىن مىندەتتەۋ جولعا قويىلدى. الايدا بۇل اپاتتىڭ الدىن الادى دەگەندى بىلدىرمەيدى. سوندىقتان جۇرگىزۋشىلەر قاعىلەز بولۋى شارت. ال جاياۋ جۇرگىنشى بەلگىسىن كوزدەن تاسا جىبەرمەۋگە تىرىسىڭىز. مۇنىڭ سالدارى ادام ومىرىنە اكەلىپ سوقتىرۋى ىقتيمال.

جاڭا ەرەجەلەرگە بەيىمدەلۋ

جۇرگىزۋشىنىڭ جول قوزعالىسى ەرەجەلەرىن ۇنەمى جاڭارتىپ وتىرۋى، جاڭادان شىققان ەرەجەلەرگە بەيىمدەلۋى جول قاۋىپسىزدىگىن قامتاماسىز ەتۋدىڭ ماڭىزدى ەلەمەنتتەرىنىڭ ءبىرى. بۇل جۇرگىزۋشىلەرگە جاڭا قاۋىپسىزدىك تالاپتارىن قابىلداۋعا جانە قولدانۋعا مۇمكىندىك بەرەدى.

الكوگولدان اۋلاق بولۋ

كولىك جۇرگىزۋ كەزىندە الكوگول ءىشۋدىڭ اياعى ءسىز ويلاماعان اپاتقا الىپ كەلۋى مۇمكىن. الكوگولدى ءىشۋ ءسىزدىڭ رەفلەكستەرىڭىزدى جانە تەز شەشىم قابىلداۋ قابىلەتىڭىزدى ايتارلىقتاي ناشارلاتادى.

كۇتپەگەن جاعدايلار

جول ۇستىندە وقيعانىڭ سيۋجەتى لەزدە وزگەرۋى مۇمكىن. جۇرگىزۋشى جول بويىندا جۇرەتىن جاياۋ جۇرگىنشىنى باعامداي الماي قالۋى مۇمكىن. جول قاتەلىكتى كەشىرمەيتىنىن ەستەن شىعارماڭىز.

Massaget.kz