جول-كولىك وقيعاسى: پاۆلودار وبلىسىندا 40 بالا ءتۇرلى جاراقات الدى

پاۆلودار. KAZINFORM - جىل باسىنان بەرى پاۆلودار وبلىسىندا كامەلەتكە تولماعانداردىڭ قاتىسۋىمەن بولعان جول-كولىك وقيعالارىنىڭ 36 فاكتىسى تىركەلدى، وندا 40 بالا ءتۇرلى جاراقات العان. بۇل تۋرالى Polisia.kz حابارلادى.

بالالاردىڭ قاتىسۋىمەن بولعان جازاتايىم وقيعالاردىڭ باستى سەبەبى - كولىك جۇرگىزۋشىلەرى مەن بالالاردىڭ دا جول ەرەجەسىن ساقتاماۋى.

- جىل باسىنان بەرى وبلىس جولدارىندا كامەلەتكە تولماعانداردىڭ قاتىسۋىمەن بولعان جول-كولىك وقيعالارىنىڭ 36 فاكتىسى تىركەلدى، وندا 40 بالا ءتۇرلى جاراقات الدى، - دەپ مالىمەت بەردى پاۆلودار وبلىسى پ د.

مامانداردىڭ پىكىرىنشە، كوبىنەسە بالالار ءجۇرىس بولىگىن رۇقسات ەتىلمەگەن جەردە، باعدارشامنىڭ تىيىم سالاتىن سيگنالىنا، جاقىن جۇرەتىن كولىكتىڭ الدىندا وتەدى. سونداي-اق ۆەلوسيپەدتەردى، موپەدتەردى جانە موتوسيكلدەردى جۇرگىزۋ كەزىندە جول ءجۇرۋ ەرەجەسى بۇزىلادى. تاعى ءبىر سەبەپ بولاتىن جاعداي - كولىك تىزگىندەگەن جۇرگىزۋشى دە، جولاۋشى دا قاۋىپسىزدىك بەلدىگىن تاقپايدى. سونداي-اق، بالالارعا ارنالعان ورىندىقتىڭ بولماۋى دا كوپ جاعدايدا قايعىلى جاعدايعا اكەلەدى.

ەرەسەكتەر بالانىڭ كوزىنشە جول ەرەجەسىن بۇزاتىن جاعدايلار بولادى. بالا كورگەنىن ىستەيدى. جولدى كەسىپ وتۋگە رۇقسات ەتىلمگەن بولىكتەن وتۋگە بولمايتىنىن تۇسىندىرگەن ابزال.

وسى ورايدا پوليتسيا جولداعى ەرەسەكتەردىڭ جول ەرەجەسىن ساقتاۋى ولاردىڭ بالالارىنا دا ۇلگى بولاتىنىن ەسكەرتەدى. كۇن سايىن بالالارعا جول ەرەجەسىن سونداي- اق جاياۋ جۇرگىنشىلەر وتەتىن بولىكتەن ءوتۋ كەزىندە دە سەرگەك ءارى مۇقيات بولۋعا شاقىرادى.

اۆتور
باقىتگۇل اباي قىزى