جول جوندەۋ: قانشا قازاقستاندىق جۇمىسپەن قامتىلدى
استانا. KAZINFORM - «قاراعاندى - الماتى» اۆتوموبيل جولىن قايتا جاڭارتۋ بويىنشا جۇزەگە اسىرىلىپ جاتقان جوباعا 2,5 مىڭ ادام تارتىلسا، «تالدىقورعان - وسكەمەن» جوباسى اياسىندا ءبىر مىڭنان استام ادام جۇمىس ىستەپ جاتىر.

جالپى، رەسپۋبليكالىق ماڭىزى بار اۆتوجولداردى رەكونسترۋكتسيالاۋ جانە جوندەۋ جوبالارىنا 9 مىڭنان استام ادام جۇمىلدىرىلعان. كۇن سايىن 5 مىڭعا جۋىق ادام رەسپۋبليكالىق جولداردى كۇتىپ ۇستاۋ ماسەلەلەرىمەن، 3 مىڭعا جۋىق ادام جول- قۇرىلىس ماتەريالدارىن دايىنداۋ جانە جەتكىزۋمەن اينالىسادى. وسىلايشا، اۆتوجول ينفراقۇرىلىمىن جاڭارتۋ بويىنشا جۇمىستارعا ءبىر توپ بىلىكتى مامان تارتىلعان.
«ايتا كەتەرلىگى، «قاراعاندى - الماتى»، «اتىراۋ - استراحان»، «اقتوبە - قاندىاعاش» جانە «تالدىقورعان - وسكەمەن» اۆتوجولدارىنىڭ ۋچاسكەلەرىندە كولىك دالىزدەرىن رەكونسترۋكتسيالاۋ بويىنشا وتاندىق جوبالاردى ىسكە اسىرۋدىڭ تيىمدىلىگىن ارتتىرۋ ماقساتىندا جوندەۋ جۇمىستارى ەكى اۋىسىمدا ءجۇرىپ جاتىر»، - دەدى ق ر كولىك ءمينيسترى مارات قارابايەۆ جۋرناليستەرگە ارنالعان بريفينگىدە.