جول اپاتى ءجيى بولاتىن وڭىرلەر بەلگىلى بولدى

 ىشكى ىستەر مينيسترلىگى ەلىمىز بويىنشا جول اپاتى ءجيى تىركەلەتىن ايماقتاردى اتادى، دەپ حابارلايدى قازاقپارات ءتىلشىسى.

Жол
Фото: Фото: ҚазАқпарат

«بيىل ەلىمىزدە جول اپاتى كورسەتكىشى تومەندەدى. اتاپ ايتقاندا، جول كولىك وقيعالارى %13 عا ، ال اپاتتان جاراقات العاندار %16 عا ازايدى. سونىمەن قاتار جول اپاتى سالدارىنان قازا تاپقان سانى دا ازايدى. ءبىزدىڭ ماماندار 2 مىڭعا جۋىق ادامنىڭ ءومىرى مەن دەنساۋلىعىن ساقتاپ قالدى. دەگەنمەن جول اپاتىنىڭ ازايۋىنا قاراماستان، الماتى قالاسىندا، الماتى، جامبىل، تۇركىستان جانە جەتىسۋ وبلىستارىندا اپات دەڭگەيى جوعارى. نەگىزگى سەبەپتەردىڭ ءبىرى - جولدار مەن ونىڭ ينفراقۇرىلىمدىق جاعدايى»، - دەدى ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ ۇكىمەت وتىرىسىنان كەيىن باق وكىلدەرىنىڭ ساۋالىنا جاۋاپ بەرە وتىرىپ.

ونىڭ ايتۋىنشا، ستاتيستيكاعا سايكەس جول- كولىك اپاتتارىنىڭ %73 ەلدى مەكەندەردە بولادى.

«سوڭعى جىلدارى زاماناۋي ماگيسترالدار سالىنۋدا. بۇل جول قاۋىپسىزدىگىنە وڭ اسەر ەتۋدە. ماسەلەن، 15 جىل بۇرىن جولدا 4 مىڭنان استام ادام قازا بولاتىن، قازىر 2 ەسە ازايدى. ال ماگيسترالدىق تاسجولداردىڭ جەكەلەگەن ۋچاسكەلەرىندە ءولىم سانى 6 ەسە قىسقاردى. ماسەلەن، «استانا- شۋچينسك» تاسجولىن ءبىرىنشى ساناتقا اۋىستىرعاننان كەيىن جول- كولىك اپاتى سالدارىنان بولاتىن ادام شىعىنى جىلىنا 75 تەن 12 گە دەيىن تومەندەدى. بۇل جۇمىستى جالعاستىرۋ كەرەك»، - دەيدى ءمينيستردىڭ ءبىرىنشى ورىنباسارى.

سوڭعى جاڭالىقتار