جوعارى وقۋ ورىندارىندا وقۋ ۇزاقتىعى قىسقارادى
استانا. KAZINFORM - عىلىم جانە جوعارى ءبىلىم مينيسترلىگى ۇكىمەتكە جوعارى وقۋ ورىندارىندا وقۋ ۇزاقتىعىن قىسقارتۋعا قاتىستى ۇسىنىس ەنگىزدى. بۇل تۋرالى ۇكىمەت وتىرىسىنان كەيىنگى باسپا ءسوز ءماسليحاتىندا اتالعان ۆەدومستۆو باسشىسى ساياسات نۇربەك ايتتى.
- 4 جىل ۇزاق سانالاتىن بەلگىلى ءبىر ماماندىقتار بار. شىنىمەن دە IT، جاساندى ينتەللەكت سىندى ماماندىقتاردى وقۋ مازمۇنى تىم وزگەرەدى. سوندىقتان دا قازىرگى ۋاقىتتا ءبىز ۇكىمەتكە قولدانبالى باكالاۆريات فورماتىندا جوعارى وقۋ ورىندارىندا وقۋدىڭ قىسقارعان فورماسىن ۇسىندىق. قازىرگى ۋاقىتتا كوللەدجدەردە پيلوتتىق فورماتتا ىسكە قوسامىز. ستۋدەنت كوللەدجدەن قولدانبالى فورماتتا ناقتى ماماندىق الىپ شىعادى. باكالاۆريات دەڭگەيى سانالادى. ءبىراق، ونىڭ مازمۇنى دا، وقۋ پروتسەسى دە قىسقا، - دەدى مينيستر.
ساياسات نۇربەك جوعارى وقۋ ورىندارىندا وقۋ ۇزاقتىعى قىسقارتىلىپ، جاڭا فورماتى پايدا بولاتىن ناقتىلاي ءتۇستى.
- وعان قاجەتتى نورماتيۆتىڭ بازا قازىردىڭ وزىندە دايىن. پيلوتتىق جوبانى تەستىلەۋدەن وتكىزدىك، - دەدى ول.
