جوعارعى سوتتىڭ 4 سۋدياسى قىزمەتىنەن بوساتىلدى

Верховный суд
فوتو: gov.kz

سەنات جوعارعى سوتتىڭ 4 سۋدياسىن قىزمەتىنەن بوساتتى، دەپ Kazinform.

ايتا كەتۋ كەرەك، قازاقستان رەسپۋبليكاسى جوعارعى سوتىنىڭ سۋدياسى ەربول يسمايلوۆتى، اقىلتاي قاسىموۆتى، الفيا ساۆينوۆانى، ايگۇل ساپاروۆانى قىزمەتىنەن بوساتۋ ۇسىنىسى بۇعان دەيىن سەناتتىڭ كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنە كەلىپ تۇسكەن.

قازاقستان رەسپۋبليكاسى جوعارعى سوت كەنەسىنىڭ ءتوراعاسى دەنيس شيپپ اتالعان سۋديالاردىڭ نەلىكتەن قىزمەتىنەن كەتىپ جاتقانىن باياندادى.

«ا. ساۆينوۆا مەن ا. ساپاروۆا زەينەت جاسىنا جەتتى. سۋديا ا. قاسىموۆ سۋديا لاۋازىمىندا بولۋدىڭ شەكتى جاسى - 67 گە جەتىپ وتىر. بۇلاردىڭ ءبارىنىڭ سۋديالىق جۇمىستا ۇلكەن تاجىريبەسى بار - 26 جىلدان 40 جىلعا دەيىن ءوتىلى بار. سۋديا ە. يسمايلوۆ جوعارى ەۋرازيالىق ەكونوميكالىق كەڭەستىڭ شەشىمى بويىنشا ەۋرازيالىق ەكونوميكالىق وداق سوتىنىڭ سۋدياسى بولىپ تاعايىندالعان»، - دەدى دەنيس شيپپ.

سەنات كوميتەتتىڭ ۇسىنىسىن ماقۇلداپ، اتالعان تۇلعالاردى جوعارى سوتتىڭ سۋديالىعىنان بوساتتى.

سوڭعى جاڭالىقتار