جوڭعار الاتاۋىندا تاۋتەكەلەر فوتوتۇزاققا ءتۇسىپ قالدى
استانا. KAZINFORM - جوڭعار الاتاۋى مەملەكەتتىك ۇلتتىق تابيعي پاركىنىڭ تاۋلى اۋماقتارىندا جۇرگىزىلگەن مونيتورينگ كەزىندە بەينەباقىلاۋ قۇرىلعىسىنا تاۋتەكەلەر (Capra sibirica) ءتۇسىپ قالدى.
بيىك تاۋلار مەن تىك جارتاستار - تاۋتەكەنىڭ تابيعي مەكەنى. ول كۇردەلى جەر بەدەرىنە جاقسى بەيىمدەلگەن جانە تاۋلى ەكوجۇيەدەگى قورەكتىك تىزبەكتىڭ ماڭىزدى بولىگى سانالادى.
مۇنداي كادرلار تەك قىزىقتى كورىنىس ەمەس. بەينەماتەريالدار ماماندارعا تاۋتەكەلەردىڭ مەكەندەۋ ورتاسىن، قوزعالىسى مەن مىنەز-قۇلقىن زەرتتەۋگە مۇمكىندىك بەرەتىن قۇندى عىلىمي دەرەك بەرەدى.
ال بىزگە جوڭعار الاتاۋىنداعى جابايى تابيعاتتىڭ كۇندەلىكتى تىرشىلىگىن ءبىر ساتكە باقىلاۋعا مۇمكىندىك بەرەدى.
