Jusan Bank كە مەملەكەتتەن بەرىلگەن قارجىلاي كومەك بىرتىندەپ قايتارىلۋى مۇمكىن

نۇر- سۇلتان. قازاقپارات - Jusan Bank كە مەملەكەتتەن بەرىلگەن قارجىلاي كومەكتى بىرتىندەپ قايتارۋ ماسەلەسى قاراستىرىلىپ جاتىر.

ءماجىلىس دەپۋتاتتارىنىڭ ساۋالىنا جولداعان جاۋابىندا ق ر پرەمەر- ءمينيسترى ءاليحان سمايىلوۆ وسىنداي مالىمەت ايتتى، دەپ حابارلايدى قازاقپارات ءتىلشىسى.

«Jusan Bank ءتىڭ بۇكىل مامىلەسىنەن مەملەكەتكە كەلگەن شىعىندى ايتساق، كەيىنگى 5 جىلدىڭ ىشىندە تاۋەلسىز ساراپشىلاردىڭ كومەگىمەن «ا ت ف بانك» ا ق- نىڭ «First Heartland Jusan Bank» ا ق- نى ساتىپ الۋى تۋرالى مامىلە ۇسىنىلعان بولاتىن. 2020 -جىلى بانكتەر بىرىكتىرىلىپ، تاۋەلسىز باعالاۋ قورىتىندىسى (Due Diligence) بويىنشا «اتف بانكتىڭ» شىعىنى 124 ميلليارد تەڭگە دەپ بەلگىلەندى.

بۇل شىعىن «ا ت ف بانكتىڭ» جەكە قاراجاتى ەسەبىنەن جابىلعان. وسى مامىلە اياسىندا «اتف بانك» پەن Jusan Bank ءتىڭ بۇعان دەيىن شىعارعان وبليگاتسيالارى مەرزىمىن ۇزارتۋ جانە سىياقى مولشەرلەمەسىن %4 دان %0,1 عا دەيىن ءتۇسىرۋ جولىمەن تۇرلەندىرىلگەن ەدى»، - دەپ جازىلعان جاۋاپتا.

ۇكىمەت باسشىسىنىڭ مالىمەتى بويىنشا، اتالعان شارانىڭ ارقاسىندا Jusan Bank ءتىڭ جەڭىلدەتىلگەن سىياقى مەن نارىقتاعى سىياقىنىڭ ايىرماشىلىعى ەسەبىنەن 126 ميلليارد تەڭگە كولەمىندە قارىز قالىپتاسقان. ول اقشانىڭ ءبارى «ا ت ف بانكتىڭ» شىعىنىن وتەۋگە باعىتتالعان.

«سونداي- اق، Jusan Bank اكسيونەرلەرى 97 ميلليارد تەڭگە كولەمىندە قوسىمشا كاپيتال قۇيعان بولاتىن. بۇگىنگى تاڭدا Jusan Bank كاپيتالى تولىسىپ، وتىمدىلىك دەڭگەيىن كورسەتىپ وتىر. كاپيتال قورى - 311 ميلليارد تەڭگە بولسا، وتىمدىلىك كورسەتكىشى - 1,2 تريلليون تەڭگە. كاپيتال قورى مەن وتىمدىلىك دەڭگەيىنىڭ جەتكىلىكتى ەكەنىن ەسكەرىپ، بۇگىنگى تاڭدا Jusan Bank كە مەملەكەتتەن بەرىلگەن كومەكتى بىرتىندەپ قايتارۋ ماسەلەسى قاراستىرىلىپ جاتىر»، - دەيدى ءاليحان سمايىلوۆ.

بۇعان دەيىن Jusan Bank ءتىڭ اكتسيونەرلەرىنە 2021 -جىلعى جاي اكسيالارى بويىنشا ديۆيدەند تولەنبەيتىنى بەلگىلى بولعان ەدى.