جەتىسۋدا وسى ايدىڭ باسىنان بەرى جول اپاتىنان 15 ادام مەرت بولدى
جەتىسۋ وڭىرىندە ادام ولىمىنە اكەلەتىن اپاتتار جيىلەپ كەتتى. تەك قازان ايىنىڭ باسىنان بەرى وبلىس جولدارىندا 15 ادام قازا تاۋىپ، 40 تان استامى ءتۇرلى دەنە جاراقاتتارىن الدى، دەپ حابارلايدى Kazinform.
وسىعان بايلانىستى وبلىستىق پوليتسەيلەر دابىل قاعىپ، كولىك جۇرگىزۋشىلەرىن جولدا اباي بولۋعا شاقىردى.
«قازان ايىنىڭ باسىنان بەرى وبلىس جولدارىندا 15 ادام قازا تاۋىپ، 40 تان استام ادام ءتۇرلى جاراقاتتار الدى. سوڭعى دەرەك ەسكەلدى اۋدانىندا تىركەلدى. «الماتى- وسكەمەن» تاس جولىنىڭ 288-شاقىرىمىندا «گازەل» مەن «ۆاز-21099» كولىكتەرى سوقتىعىستى. كولىكتىڭ 35 جاستاعى جۇرگىزۋشىسى وقيعا ورنىندا كوز جۇمدى. ءتورت ادام اۋرۋحاناعا جەتكىزىلدى»، - دەپ حابارلادى جەتىسۋ وبلىستىق پوليتسيا دەپارتامەنتىنىڭ باسپا ءسوز قىزمەتىنەن.
جول اپاتىنىڭ جيىلەپ كەتۋىنە بايلانىستى پوليتسەيلەر كۇندەلىكتى پاترۋلدىك قىزمەتتى كۇشەيتتى. ءتارتىپ ساشىلارى كولىك جۇرگىزۋشىلەرىنەن جول قاۋىپسىزدىگى تالاپتارىن ەسكەرۋدى، سونداي-اق كولىكتى باسقارۋ كەزىندە قىراعىلىق تانىتۋدى سۇرايدى.
