جەتىسۋدا 2 ءىرى ەسىرتكى زەرتحاناسى جويىلدى
تالدىقورعان. KAZINFORM - جەتىسۋ وبلىسى پروكۋراتۋراسىنىڭ ۇيلەستىرۋىمەن ۇلتتىق قاۋىپسىزدىك جانە پوليتسيا دەپارتامەنتتەرىمەن سينتەتيكالىق ەسىرتكى وندىرەتىن 2 جاسىرىن زەرتحانانىڭ جولى كەسىلدى. سوت سانكتسياسىمەن 5 ادام قاماۋعا الىندى.

جەتىسۋ وبلىستىق پروكۋراتۋراسى تاراتقان مالىمەتكە سۇيەنسەك زاڭسىز اينالىمنان 10 كەلىدەن استام «مەفەدرون»، 5 كەلىدەي سۇيىقتىق (كريستالدانۋ پروتسەسىندە)، 200 ليتر پرەكۋرسورلار، ەلەكتروندى تارازىلار، سينتەتيكالىق ەسىرتكى ءوندىرۋ نۇسقاۋلارى بار داپتەر، سۇيىقتىق قۇيىلعان كانيسترلەر، سونداي- اق «سينتەتيك» وندىرۋگە ارنالعان قۇرىلعىلار تاركىلەندى.
- سوتتىڭ سانكتسياسىمەن 5 ادام قاماۋعا الىندى، ونىڭ 2 ەۋى شەتەل ازاماتتارى. قىلمىستىق كودەكستىڭ 297-بابى بويىنشا سوتقا دەيىنگى تەرگەۋ امالدارى جۇرگىزىلۋدە. ق پ ك- ءنىڭ 201-بابىنا سايكەس باسقا مالىمەتتەر جاريا ەتىلمەيدى، - دەدى جەتىسۋ وبلىسىنىڭ پروكۋراتۋراسى.
ەسكە سالايىق وسىعان دەيىن جەتىسۋدا 2024 -جىلى 700 كەلىگە جۋىق ەسىرتكى تاركىلەنگەنىن جازعانبىز.