جەتىسۋ وبلىسىنىڭ سپورت باسقارماسى ارزان كيىز ءۇيدى 13 ميلليون تەڭگەگە ساتىپ الماق بولعان - انتيكور
سىبايلاس جەمقورلىققا قارسى كۇرەس قىزمەت مەملەكەتتىك ساتىپ الۋ سالاسىنداعى ءبىرقاتار زاڭسىزدىقتىڭ جولىy كەستى، دەپ حابارلايدى Kazinform.
سالا جۇمىسىنا مونيتورينگ جاساعان قۇزىرلى مەكەمە جەرگىلىكتى اكىمدىكتەر تاراپىنان مەملەكەتتىك ساتىپ الۋ بويىنشا باعانى نەگىزسىز كوتەرۋ فاكتىسىن انىقتاعان.
بۇل تىزىمدە جەتىسۋ وبلىسىنداعى مەملەكەتتىك مەكەمەلەر دە بار.
دەرەككە جۇگىنسەك، جەتىسۋ وبلىسىنىڭ سپورت باسقارماسى ناقتى قۇنى جابدىقتارمەن بىرگە 4,5 ميلليون تەڭگە بولاتىن كيىز ءۇيدى 13 ميلليون تەڭگەگە ساتىپ الماق بولعان.
ال سارقان اۋدانىنىڭ مادەنيەت ءۇيى نارىقتاعى قۇنى 250-300 مىڭ تەڭگەنى قۇرايتىن ءبىر كونديتسيونەردى مەملەكەتتىك ساتىپ الۋ جۇيەسى بويىنشا 1,5 ميلليون تەڭگەگە باعالاپ، ساتىپ الۋدى جوسپارلاعان كورىنەدى.
تەكسەرۋدەن كەيىن تاپسىرىستاردىڭ باعاسى قايتا قارالىپ، نەگىزسىز قويىلعان قۇن ازايتىلعان.
جالپى، انتيكور سوڭعى 2 -جىلدا مەملەكەتتىك ساتىپ الۋ سالاسى بويىنشا جالپى قۇنى 67 ميلليارد تەڭگەدەن استام بيۋدجەت قاراجاتىن ءتيىمسىز جۇمساۋدىڭ الدىن الدى.
