13:15, 23 - قازان 2024 | GMT +6
جەتىسۋ وبلىسىنىڭ مال دارىگەرلەرى 8 مىڭعا جۋىق جالعان زەرتحانالىق ساراپتاما جۇرگىزگەن
تالدىقورعان. KAZINFORM - جەتىسۋ وبلىسى پروكۋرورلارىنىڭ اكتىلەرى بويىنشا ۆەتەريناريالىق-سانيتاريالىق ساراپتاما زەرتحانالارىنىڭ قىزمەتىندەگى بۇزۋشىلىقتار جويىلدى.
پروكۋرورلىق تەكسەرۋ وبلىستاعى زەرتحانالاردىڭ ءتيىستى ليتسەنزياسىز، قۇرال-جابدىقتارسىز جانە حيميالىق رەاكتيۆسىز جۇمىس ىستەگەنىن كورسەتتى.
«وسى ۋاقىت ىشىندە ولار فورمالدى تۇردە 8 مىڭعا جۋىق ساراپتاما اكتىسىن شىعارعان. تەكسەرۋ قورىتىندىسى بويىنشا 5 زەرتحانانىڭ ۆەتەرينارلىق-سانيتارلىق ساراپتاما جۇرگىزۋ قىزمەتى ۋاقىتشا توقتاتىلدى. ۆەتەريناريالىق ستانسيا باسشىلىعى باستاعان كىنالىلەر تارتىپتىك جاۋاپكەرشىلىككە تارتىلسا، زەرتحانا ديرەكتورلارى اكىمشىلىك جاۋاپكەرشىلىككە تارتىلدى»، - دەپ جازدى باقىلاۋشى ورگاننان.
قازىرگى ۋاقىتتا زەرتحانالاردىڭ قىزمەتى سايكەستەندىرىلىپ، جۇمىسى قايتا جانداندى.
