جەتىسۋ وبلىسىندا ماتەماتيكا ءپانىنىڭ مۇعالىمى 20 جىلعا سوتتالدى
تالدىقورعان. KAZINFORM — ماتەماتيكا ءپانىنىڭ ءمۇعالىمى جىنىستىق سيپاتتاعى زورلىق-زومبىلىق جاساعانى ءۇشىن كىنالى دەپ تانىلدى.
جەتىسۋ وبلىسى قىلمىستىق ىستەر جونىندەگى مامانداندىرىلعان اۋدانارالىق سوتىندا كامەلەتكە تولماعان قىزعا زورلىق-زومبىلىق جاسادى دەپ ايىپتالعان 39 جاستاعى ەر ادامعا قاتىستى ءىس قارالدى.
جابىق رەجيمدە وتكەن سوت وتىرىسىندا مەملەكەتتىك ايىپتاۋشى ج. ەسىمدى ەر ادامعا ءومىر بويىنا پەداگوگيكالىق جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋعا تىيىم سالىپ، 20 جىلعا باس بوستاندىعىنان ايىرۋدى سۇرادى.
قورعاۋشى تاراپ ءوز كەزەگىندە سوتتالۋشىنىڭ ارەكەتىن قىلمىستىق كودەكستىڭ 121-بابىنىڭ 4-بولىگى (كامەلەتكە تولماعانعا بەلگىلى ادامعا قاتىستى سەكسۋالدىق سيپاتتاعى زورلىق-زومبىلىق ارەكەتتەرى) جانە 122-بابىنىڭ 2-بولىگى (جىنىستىق قاتىناس جانە ون التى جاسقا تولماعان اداممەن جىنىستىق سيپاتتاعى وزگە دە ارەكەتتەر) بويىنشا سارالاۋدى سۇرادى.
«ج. -نىڭ ارەكەتى زاڭ بويىنشا اسا اۋىر قىلمىس ساناتىنا جاتقىزىلىپ، ج. -نىڭ كىناسى كامەلەتكە تولماعان جابىرلەنۋشىنىڭ، كۋالاردىڭ ايعاقتارىمەن، وقيعا بولعان جەردى قاراۋ حاتتاماسىمەن تولىق دالەلدەنگەن. سوت- مەديتسينالىق ساراپتاما قورىتىندىسى جانە ءىستىڭ باسقا دا قۇجاتتارىنا سايكەس ايعاق بەرىلگەن»، - دەلىنگەن سوت حابارلاماسىندا.
ايىپتالۋشى ق ر قىلمىستىق كودەكسىنىڭ 121-بابىنىڭ 4-بولىگىمەن كىنالى دەپ تانىلىپ، 20 جىلعا باس بوستاندىعىنان ايىرىلدى.
ول جازاسىن قىلمىستىق- اتقارۋ جۇيەسىنىڭ قاۋىپسىزدىگى ورتاشا مەكەمەسىندە وتەيدى. سونداي-اق وعان ءومىر بويىنا پەداگوگيكالىق جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋعا تىيىم سالىندى.
كامەلەتكە تولماعان جابىرلەنۋشى گ. -نىڭ زاڭدى وكىلىنىڭ پايداسىنا بەس ميلليون تەڭگە مورالدىق شىعىن ءوندىرىلدى.
ۇكىم زاڭدى كۇشىنە ەنگەن جوق.
