جەتىسۋ وبلىسىندا كوشى-قون زاڭىن بۇزۋ فاكتىلەرى جيىلەگەن
تالدىقورعان. KAZINFORM - وتكەن جىلى جەتىسۋ وبلىسىندا شەتەلدىكتەرگە قاتىستى 3 قىلمىستىق ءىس تىركەلدى. 2 جاعداي مەملەكەتتىك شەكارانى رۇقساتسىز قاساقانا كەسىپ ءوتۋ، 1 جاعداي زاڭسىز كوشى-قوندى ۇيىمداستىرۋعا قاتىستى.
وبلىستىق پوليتسيا دەپارتامەنتى كوشى- قون قىزمەتى باسقارماسىنىڭ حابارلاۋىنشا، وڭىردە كوشى-قون زاڭىن بۇزۋ فاكتىلەرى جيىلەگەن. بىلتىر زاڭدى بۇزعان 6282 ازامات اكىمشىلىك جاۋاپكەرشىلىككە تارتىلعان. ونىڭ 2594 ى شەتەلدىك. اراسىندا تىركەۋسىز جانە جەكە باستى كۋالاندىراتىن قۇجاتسىز جۇرگەندەر، تىيىم سالىنعان ورىندارعا بارعاندار بار. جەتىسۋ وبلىستىق پوليتسيا دەپارتامەنتى كوشى-قون قىزمەتى باسقارماسىنىڭ ماماندارى قۇقىق بۇزۋشىلىق جاساعان 148 شەتەلدىكتىڭ ەلدەن شىعارىلعانىن مالىمدەدى.
- 2024 -جىلدىڭ 12 ايىندا جەتىسۋ وبلىسىنىڭ اۋماعىنا «eQonaq» اقپاراتتىق جۇيەسى ارقىلى 27815 شەتەلدىك تىركەلدى. قازاقستان رەسپۋبليكاسىنىڭ كوشى - قون زاڭناماسىن بۇزعانى ءۇشىن جالپى سوماسى 36396660 تەڭگەگە ايىپپۇل سالىنىپ، %100 ءوندىرىلدى، - دەدى وبلىستىق پوليتسيا دەپارتامەنتى كوشى-قون قىزمەتى باسقارماسىنىڭ باستىعى ەرلان رايىمبەكوۆ.
جالپى، وڭىردە 26 كاسىپورىن مەن بىرنەشە كومپانيادا 200 دەن اسا شەتەل ازاماتى جۇمىس ىستەيدى.
ەسكە سالايىق وسىعان دەيىن جەتىسۋدا شەتەلدىكتەر ۇيىمداستىرعان ەسىرتكى زەرتحاناسىنىڭ جويىلعانىن جازعانبىز.
