جەتىسۋ وبلىسىندا كوپبالالى انا وزىنە قول جۇمسادى

اسا ءىرى كولەمدە ءدارى قابىلداعان اقسۋ اۋدانىنىڭ تۇرعىنى اۋرۋحانا توسەگىندە قايتىس بولدى. جەرگىلىكتى پوليتسيا «ءوزىن ولتىرۋگە يتەرمەلەۋ» بابى بويىنشا ءىس قوزعادى، دەپ حابارلايدى Kazinform.

قايعىلى وقيعا 28-جەلتوقساندا جانسۇگىروۆ اۋىلىندا بولعان.

كۋاگەرلەردىڭ ايتۋىنشا، وزىنە قول جۇمساعان كوپبالالى انا ب. وزبەكوۆا - وڭىردەگى بەلسەندى تۇرعىنداردىڭ ءبىرى.

سول كۇنى اۋدان اكىمىنىڭ قابىلداۋىندا بولعان ول قۇربىسىنىڭ ۇيىنە كەلىپ، وزىنە قول جۇمسايتىنىن، 10 قوراپ اسپيرين ىشكەنىن ايتادى.

قۇربىسى دەرەۋ اۋداندىق اۋرۋحاناعا جەتكىزىپ، دارىگەرلەرگە بولعان جايدى ەسكەرتكەن.

اۋدان دارىگەرلەرى كوپبالالى انانى جانساقتاۋ بولىمىنە جاتقىزىپ، قاجەتتى ەم-دوم جاساعانىمەن، كەلەسى كۇنى ناۋقاس قايتىس بولعان.

- 35 جاستاعى بالجان وزبەكوۆانى 28-جەلتوقساندا كەشكە قۇربىسى اۋرۋحاناعا جەتكىزگەن. اقسۋ اۋدانى ورتالىق اۋداندىق اۋرۋحاناسىنىڭ جەدەل جاردەم بولىمىندە ايەل اسپيرين ءدارىسىنىڭ 10 قورابىن ىشكەنىن ايتقان. ءبىر كۇننەن كەيىن ول وڭالماي، قايتىس بولدى. قازىر تەرگەۋ امالدارى ءجۇرىپ جاتىر. وقيعا بويىنشا قىلمىستىق كودەكستىڭ 105-بابى بويىنشا قىلمىستىق ءىس قوزعالدى. ءبىرقاتار ساراپتامالار تاعايىندالعان، - دەپ حابارلادى جەتىسۋ وبلىستىق پوليتسيا دەپارتامەنتىنىڭ باسپا ءسوز قىزمەتى.

مارقۇمنىڭ ارتىندا ءتورت بالاسى قالدى.

اۆتور

قالماحانبەت مۇقامەتقالي