جەتىسۋ وبلىسىندا 60 توننا قورعاسىن الىپ بارا جاتقان جۇك كولىكتەرى ۇستالدى
استانا. KAZINFORM - شەتەلگە ستراتەگيالىق ماڭىزدى شيكىزاتتى زاڭسىز اكەتۋ ارەكەتتەرى توقتاتىلدى. بۇل تۋرالى ق ر ءى ءى م ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس مالىمدەدى، - دەپ حابارلايدى Polisia.kz.
ەكونوميكالىق قاۋىپسىزدىكتى قامتاماسىز ەتۋگە باعىتتالعان مەملەكەتتىك ساياساتتى ىسكە اسىرۋ اياسىندا ىشكى ىستەر مينيسترلىگى قارا جانە ءتۇستى مەتالل سىنىقتارىن ەل اۋماعىنان زاڭسىز شىعارۋ ارنالارىنىڭ جولىن كەسۋ بويىنشا جۇيەلى جۇمىستار جۇرگىزىپ كەلەدى.
وسىلايشا، جەتىسۋ وبلىسىندا پوليتسيا دەپارتامەنتىنىڭ جەدەل قىزمەتكەرلەرى ەكونوميكالىق تەرگەۋ دەپارتامەنتى جانە كەدەن قىزمەتىمەن بىرلەسىپ، ستراتەگيالىق ماڭىزدى شيكىزات - قورعاسىننىڭ ءىرى پارتياسىن زاڭسىز اكەتۋ ارەكەتىنىڭ جولىن كەستى. ولار 60 توننادان استام قورعاسىن تيەلگەن ەكى جۇك كولىگىن توقتاتتى، ونىڭ نارىقتىق قۇنى 60 ميلليون تەڭگەدەن اسادى. جۇك ەكسپورتقا جىبەرىلمەك بولعان.
قازىرگى تاڭدا بۇل قىلمىسقا قاتىسى بار بارلىق ازاماتتاردى انىقتاپ، ۇستاۋ بويىنشا ءىس-شارالار جۇرگىزىلىپ جاتىر.
بۇعان دەيىن وسىنداي فاكتىلەر ەلىمىزدىڭ باسقا وڭىرلەرىندە دە انىقتالعان بولاتىن. سولتۇستىك قازاقستان وبلىسىندا «جوعارى لەگيرلەنگەن بولات» تۇرىندە قارا مەتال سىنىقتارىن شەتەلگە شىعارىپ جىبەرۋگە تىرىسقان ج ش س-نىڭ زاڭسىز ارەكەتى توقتاتىلدى. شامامەن 1 مىڭ توننا مەتالل سىنىعى، سونىڭ ىشىندە كورشىلەس مەملەكەتكە جونەلتۋگە دايىن 7 ۆاگون تابىلدى.
ماڭعىستاۋ وبلىسىندا كاسپي ماڭى ەلدەرىنىڭ بىرىنە مەتالل سىنىعىن تەڭىز ارقىلى جونەلتۋ ارناسى انىقتالدى. ج ش س اۋماعىنان 400 توننادان استام قارا مەتالل سىنىعى تابىلىپ، ونىڭ ىشىندە ەكى كونتەينەر ەكسپورتقا دايىندالىپ قويىلعان.
- اتالعان بارلىق فاكتىلەر بويىنشا كىنالى تۇلعالار زاڭناماعا سايكەس جاۋاپكەرشىلىككە تارتىلدى. ءى ءى م ستراتەگيالىق ماڭىزدى رەسۋرستاردىڭ شەتەلگە كەتۋىنىڭ الدىن الۋ، ەلدىڭ ەكونوميكالىق الەۋەتىن ساقتاۋ جانە ۇلتتىق مۇددەگە زيان كەلتىرۋگە جول بەرمەۋ ءۇشىن وسىنداي شارالار قابىلدانىپ جاتقانىن اتاپ وتەدى، - دەلىنگەن مينيسترلىكتىڭ حابارلاماسىندا.
