«جەتىنشى ارنا» قىتاي قازاقتارى جايلى جاڭا تەلەحيكايا كورسەتەدى

«Менің Алтайым»
Фото: Жетінші арна баспасөз қызметі

 قىتاي قازاقتارىنىڭ تۇرمىس- تىرشىلىگى جايلى «مەنىڭ التايىم» دوراماسى قازاقستاندىق كورەرمەنگە ۇسىنىلادى. جاڭا تەلەحيكايانى «جەتىنشى ارنا» كورسەتەدى. تەلەحيكايا 8 بولىمنەن تۇرادى.

باستى ءرولدى قىتايدىڭ تانىمال اكتەرى يۋي شي وينايدى. ول بۇل تەلەحيكاياعا ءتۇسۋ ءۇشىن ارنايى قازاق ءتىلى ساباقتارىنا قاتىسىپ، سەريالدا باتاي ەسىمدى قازاق جىگىتىنىڭ ءرولىن سومداعان. بۇدان بولەك تەلەحيكاياعا شىڭجاڭدا تۇراتىن قانداستار دا تۇسكەن.

«مەنىڭ التايىم» تەلەحيكاياسىنىڭ وقيعا جەلىسى التايدا شاعىن دۇكەن اشقان حان قىزى لي ۆەنسيۋ مەن ونىڭ وتباسىنىڭ جەرگىلىكتى قازاقتارمەن بايلانىسى اياسىندا ءوربيدى. وندا التاي ايماعىندا تۇراتىن قانداستارىمىزدىڭ باي جانە قايتالانباس مادەنيەتى، تۇرمىس- تىرشىلىگى كورىنىس تاپقان. iQIYI ونلاين پلاتفورماسى تۇسىرگەن «مەنىڭ التايىم» سەريالىنىڭ الەمدىك تۇساۋكەسەرى كانن تەلەفەستيۆالى اياسىندا ءوتىپ، ساراپشىلاردىڭ جوعارى باعاسىن الدى.

«سەريال جاقىن كۇندەرى «جەتىنشى ارنا» ەفيرىنەن ۇسىنىلادى. بۇل تۋرالى بۇگىن تەلەارنا باسشىلىعى جانە قىتاي مەملەكەتتىك تەليەۆيدەنيە، راديو اكىمشىلىگى مەن iQIYI كومپانياسى وكىلدەرىمەن بولعان كەزدەسۋدە كەلىسىم جاسالدى»، - دەپ حابارلايدى «جەتىنشى ارنانىڭ» باسپا ءسوز قىزمەتى.

سوڭعى جاڭالىقتار