جەتى جۇزدەن استام شەتەلدىك جۋرناليست ش ى ۇ سامميتىنەن حابار تاراتىپ جاتىر
استانا. KAZINFORM - بۇگىن 700 دەن استام شەتەلدىك جۋرناليست ش ى ۇ سامميتىنەن حابار تاراتىپ جاتىر. بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى.
«700-دەن استام شەتەلدىك جانە 200-دەن استام قازاقستاندىق جۋرناليست ش ى ۇ سامميتىنەن حابار تاراتىپ جاتىر. الەم نازارىن اۋدارعان شاراعا ەۋروپالىق باق ۇلكەن قىزىعۋشىلىق تانىتتى»، - دەدى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ.
ايتا كەتەيىك، ەلورداداعى تاۋەلسىزدىك سارايىندا قازاقستان توراعالىعىمەن شاڭحاي ىنتىماقتاستىق ۇيىمىنىڭ ءسامميتى باستالدى.
قازاقستان پرەزيدەنتى قاسىم-جومارت توقايەۆ ش ى ۇ سامميتىنە كەلگەن مارتەبەلى مەيمانداردى قارسى الىپ، قول الىستى. ەل باسشىلارىن قارسى الۋ ءراسىمى اياقتالدى.
بەلارۋس ش ى ۇ-نىڭ تولىققاندى مۇشەسى بولدى. شاڭحاي ىنتىماقتاستىق ۇيىمىنىڭ سامميتىندە مۇشە مەملەكەتتەردىڭ باسشىلارى بەلارۋس رەسپۋبليكاسىن ۇيىم مۇشەلەگىنە قابىلداۋعا قاتىستى ءبىرقاتار قۇجاتقا قول قويدى.
شاڭحاي ىنتىماقتاستىق ۇيىمى حالىقارالىق قاتىناس جۇيەسىنىڭ ماڭىزدى تەتىگىنە اينالدى. بۇل تۋرالى سامميتتە مەملەكەت باسشىسى قاسىم-جومارت توقايەۆ ايتتى.
اۆتور
ەلميرا ورالبايەۆا
