جۇرگىزۋشىلەر ءبىرىن- ءبىرى باسىپ وزۋعا تىرىسقان - اقمولاداعى 95 اۆتوكولىك اپاتىنىڭ سەبەبى ايتىلدى

استانا. KAZINFORM - ق ر ت ج م توتەنشە جاعدايلاردى جويۋ دەپارتامەنتى باستىعىنىڭ ورىنباسارى اسلان ۋاكىشيەۆ اقمولا وبلىسىنداعى 95 اۆتوكولىكتىڭ سوقتىعىسۋ سەبەبىن ايتتى. ونىڭ ايتۋىنشا، قازىر ءتيىستى تەرگەۋ جۇمىستارى جۇرگىزىلىپ جاتىر.

Бурабай жолында 95 көлік соғылған ірі апат жылдамдықтың сақталмауынан болуы мүмкін - ТЖМ
Фото: видеодан алынды

- بوراندى كۇندەرى ىشكى ىستەر مينيسترلىگىنىڭ قىزمەتكەرلەرى كولوننانى الىپ ءجۇردى، الايدا سول جەردە ءبىر- ءبىرىن باسىپ وزۋعا تىرىسقان جاۋاپسىز جۇرگىزۋشىلەر بولعان. بارلىعى وسىدان تۋىنداعان بولۋى مۇمكىن. قازىرگى ۋاقىتتا تەرگەۋ جۇمىستارى ءالى جالعاسۋدا، - دەدى ا. ۋاكىشيەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سپيكەر توتەنشە جاعدايلار مينيسترلىگىنىڭ قۇزىرەتىنە جابىرلەنۋشىلەردى قۇتقارۋ جانە ەۆاكۋاتسيالاۋ كىرەتىنىن ەسكە سالدى.

− ءبىزدىڭ بولىمشەلەر ۇيلەسىمدى جۇمىس اتقارىپ، مۇمكىندىگىنشە بارلىق ادامدى قۇتقارىپ، ەۆاكۋاتسيالاپ، جىلىنۋ پۋنكتتەرىنە جەتكىزدى. جولاۋشىلارعا جىلىنۋ پۋنكتتەرىنەن استاناعا جانە باسقا دا باعىتتارعا جەتۋ قاجەت بولدى، ءبىز ولاردى پويىزدارعا مىنگىزدىك، - دەدى ا. ۋاكىشيەۆ.

بۇعان دەيىن 3 - قاڭتاردا «استانا- شۋچە» تاس جولىنداعى جاپپاي كولىك اپاتىندا 95 كە جۋىق اۆتوكولىك زارداپ شەككەنىن جازعان بولاتىنبىز.

سوڭعى جاڭالىقتار