جۇرگىزۋشى كۋالىگىن ساتىپ العان 21 ادامنىڭ قۇجاتى جارامسىز بولىپ قالدى
استانا. KAZINFORM - تارازدا جۇرگىزۋشى كۋالىگىن زاڭسىز ساتقان 7 ادام سوتتالدى.
2023-جىلى قىركۇيەكتە پوليتسيا جەدەل ءىس-شارالار بارىسىندا تاراز قالالىق مامانداندىرىلعان حالىققا قىزمەت كورسەتۋ ورتالىعىندا (م ح ق ك و) جۇرگىزۋشى كۋالىگىن زاڭسىز ساتقان ادامداردى اشكەرەلەدى.
م ح ق ك و- نىڭ 2 قىزمەتكەرى، 1 باعدارلاماشى مامان، 4 دەلدال الدىن الا ءسوز بايلاسۋ ارقىلى جامبىل، تۇركىستان جانە الماتى وبلىسىنىڭ 21 تۇرعىنىنا زاڭسىز جۇرگىزۋشى كۋالىگىن جاساعان. ولار بۇرىن ەمتيحان تاپسىرا الماي جۇرگەن، سوندىقتان كولىك جۇرگىزۋ قۇقىعىن الماعان.
تاراز قالالىق م ح ق ك و- نىڭ قىزمەتكەرى سىبايلاسى سانالاتىن الماتى قالالىق م ح ق ك و- نىڭ باعدارلاماشى مامانى ارقىلى تۇركىستان وبلىسىنىڭ تۇرعىنى پراكتيكالىق ەمتيحان تاپسىرماعانىنا قاراماستان، ونىڭ ەمتيحاننان ءساتتى وتكەنىن اقپاراتتىق جۇيەمەن راستاعان.
«ەمتيحان تاپسىرۋشىلاردان 100 مىڭنان 200 مىڭ تەڭگەگە دەيىنگى كولەمدەگى اقشا ءتۇرلى وبلىستاردىڭ دەلداردارى ارقىلى تاراز قالالىق م ح ق ك و- نىڭ قىزمەتكەرىنە جينالىپ، ارالارىندا ءوزارا بولىنگەن»، - دەپ جازىلعان حابارلامادا.
سوت شەشىمى
27-اقپاندا تاراز قالالىق 2-سوتىندا م ح ق ك و- دا زاڭسىز جۇرگىزۋشى كۋالىگىن ساتقان ادامدارعا ايىپتاۋ ۇكىمى شىقتى. سوت ۇكىمىمەن كىنالىلەرگە 3,6 جىل مەن 4,6 جىل ارالىعىندا باس بوستاندىعىنان ايىرۋ جازاسى تاعايىندالىپ، شارتتى دەپ تانىلدى.
سوت ۇكىمى زاڭدى كۇشىنە ەنگەن جوق.
سونداي-اق، جۇرگىزۋشى كۋالىكتەرى جارامسىز دەپ تانىلدى.
