جۇرگىزۋشى كۋالىگىن العاننان كەيىن ءبىلۋ كەرەك 5 كەڭەس
كولىك جۇرگىزۋدى ەندى ۇيرەنە باستاعان جاندار ادەتتە ءتۇرلى قيىندىقتارعا تاپ بولادى.

كولىك جۇرگىزۋدى ەندى ۇيرەنە باستاعان جاندار ادەتتە ءتۇرلى قيىندىقتارعا تاپ بولادى.
تەمىر تۇلپاردى باسقارعان كەزدە وزىڭىزگە دەگەن سەنىمدىلىكتى ارتتىرۋ كولىگىڭىزگە تىكەلەي بايلانىستى.
شىنى جۋعىش سۇيىقتىقتى قايدان قۇيۋدى، قوسالقى دوڭگەلەكتى ورناتۋدى كوپ جۇرگىزۋشى بىلمەيدى. سوندىقتان كەز كەلگەن جۇرگىزۋشى كولىككە قاتىستى بازالىق دۇنيەلەردى ءبىلۋى ءتيىس. كولىكتە ءوزىن ەركىن ۇستاۋى جۇرگىزۋشىنىڭ ءوزىنىڭ جانە جولاۋشىلاردىڭ ومىرىنە اسەر ەتەدى. Massaget.kz باسىلىمى جۇرگىزۋشى كۋالىگىن العاننان كەيىن ءبىلۋ كەرەك كەڭەستەرگە توقتالدى.
كولىك جۇرگىزۋ قۇقىعىن العان ءاربىر جۇرگىزۋشى كولىككە قاتىستى ءوز ءبىلىمىن ۇنەمى جەتىلدىرىپ وتىرۋى كەرەك. ۇنەمى تەمىر تۇلپاردىڭ تىزگىنىندە وتىرىپ تاجىريبەلى جۇرگىزۋشىگە اينالۋ ءوز قولىڭىزدا. ال كاسىبي جۇرگىزۋشى بولۋ ءۇشىن اركىمگە ءارتۇرلى ۋاقىت كەرەك. ول ادامداردىڭ كولىكتى باسقارۋعا دەگەن يكەمىنە قاراي قالىپتاسادى.
كولىگىڭىزدىڭ نەگىزگى كومپونەنتتەرىن ءبىلىڭىز
ءسىز ءوز كولىگىڭىزدى مۇمكىندىگىنشە تەزىرەك زەرتتەپ، ونىڭ نەگىزگى كومپونەنتتەرى قالاي جۇمىس ىستەيتىنىن ءتۇسىنۋىڭىز كەرەك. باقىلاۋ تاقتاسىنداعى ماشيناداعى نەگىزگى بەلگىلەردى جانە ونداعى ءار باتىرمانىڭ نە نارسەگە جاۋاپ بەرەتىنىن ءبىلۋ ماڭىزدى. اسىرەسە، جۇمىس كەزىندە ماشينانىڭ باقىلاۋ تاقتاسىندا پايدا بولۋى مۇمكىن ەسكەرتۋ بەلگىلەرىن مۇقيات زەردەلەۋ قاجەت. سونىمەن قاتار ماشينانىڭ كاپوت استىنداعى كەڭىستىگىن زەرتتەۋىڭىز كەرەك. تىم قۇرىعاندا ماشيناداعى ماي دەڭگەيىن تەكسەرۋدى جانە تەرەزەگە شاشاتىن سۋدىڭ ىدىسىن انتيفريزدىكىمەن شاتاستىرماۋ باستى دۇنيە.
كولىگىڭىزدىڭ قالاي جۇمىس ىستەيتىنىن زەرتتەڭىز
بارلىق موتورلى كولىكتەر ورتاق بەلگىلى ءبىر پرينسيپتەرگە سۇيەنە وتىرىپ جۇمىس ىستەيدى. سوندىقتان، اۆتوموبيلدىڭ ءارتۇرلى جۇيەلەرىنىڭ نەگىزگى پرينسيپتەرىن ءتۇسىنۋ ءۇشىن كولىك قۇرالىنىڭ جۇمىسىنىڭ جالپى پرينسيپتەرىن ۇيرەنۋگە كەڭەس بەرەمىز. ول ءۇشىن ينتەرنەتتەن ارنايى بەينەجازبالاردى قاراساڭىز بولادى. اۆتوكولىكتىڭ جۇمىس ىستەۋ پرينسيپىن ءتۇسىنۋ سىزگە كولىكتى يەلەنۋگە سەنىمدىلىك بەرىپ قانا قويماي، ونى تىكەلەي تۇسىنۋگە مۇمكىندىك بەرەدى. مىسالى، ەگەر ءسىز كولىكتى قالاي جوندەۋدى بىلمەسەڭىز "كليەنتتەردى اقشاعا اينالدىرۋدى" ۇناتاتىن مەحانيكتەرگە الدانىپ قالۋىڭىز ىقتيمال.
كولىكتەگى قاراپايىم زاتتاردى ءوز قولىڭىزبەن جاساۋدى ۇيرەنىڭىز
قولىڭىزعا كىلت الىپ قارا مايعا سالىنۋدىڭ قاجەتى جوق. تەك تەمىر تۇلپار مەحانيزىمىنىڭ ۇستىرتكى پرينسيپىن ءتۇسىنۋ كەرەك. بۇل بولاشاقتا اۆتوموبيلدىڭ ءارتۇرلى كومپونەنتتەرىنىڭ جۇمىسىنداعى بوگدە شۋ مەن اقاۋلاردى ۋاقىتىندا انىقتاۋعا مۇمكىندىك بەرەدى. ويتكەنى ۇساق سىنۋدى ۋاقتىلى انىقتاۋ ءسىزدىڭ ماشيناڭىزدا ۇلكەن بۇزىلۋلاردىڭ پايدا بولۋىنا جول بەرمەيدى. مەحانيكتىڭ الدىندا مىڭقىلداماي كولىكتىڭ قاي جەرى بۇزىلعانىن تەز تۇسىندىرە الاسىز. قوسالقى دوڭگەلەكتى اۋىستىرۋدى، ماتوردىڭ مايىن قاراۋدى ءوزىڭىز جاساڭىز.
ەشقاشان ماس كۇيدە كولىك جۇرگىزبەڭىز
ەسىرتكى مەن الكوگول ادامدى اقىل ەسىنەن ايىرۋى مۇمكىن. ءبىراق اشى سۋعا سىلقيا تويىپ الىپ كولىك جۇرگىزۋگە بولمايدى. اياعى اپاتقا الىپ كەلۋى مۇمكىن. ماس كۇيىندە كولىك جۇرگىزۋ دارىگەر رۇقسات ەتپەگەن ءدارى-دارمەكتى ءىشۋ، جۇكتىلىك كەزىندە تەمەكى شەگۋمەن پارا-پار.
كولىك جۇرگىزگەن كەزدە وزگە دۇنيەگە الاڭداماڭىز
سوندىقتان دوستار، كولىكپەن جۇرگەندە مۇمكىندىگىنشە جولدان باسقا نارسەگە الاڭداماۋعا تىرىسىڭىز جانە ءوز كوزقاراسىڭىزدى سىزگە قاجەت ەمەس زاتتارعا اۋدارۋدان اۋلاق بولىڭىز. ءسىزدىڭ نازارىڭىز ەڭ الدىمەن، الدىڭىزدا جانە اينالاڭىزدا بولۋى شارت. سونداي-اق بۇيىرلىك كورۋدى قامتاماسىز ەتەتىن 2 اينانى قاراۋدى ۇيرەنۋ كەرەك. سونىمەن قاتار، جولدىڭ ماكسيمالدى كورىنىسى ءۇشىن ءاردايىم دۇرىس رەتتەلۋى كەرەك ارتقى كورىنىس اينالارى تۋرالى ەستەن شىعارماڭىز. ولاردىڭ ارقاسىندا ءسىز كەڭىستىكتى جانە كولىگىڭىزدىڭ اينالاسىنداعى جولدا بولىپ جاتقان بارلىق نارسەنى باقىلاۋدا ۇستاي الاسىز.