18:28, 24 - قاڭتار 2025 | GMT +5
«جۇرەگىم قازاقتى قالايدى»: نەمىس قىزى تەك قازاق جىگىتىنە جار بولعىسى كەلەتىنىن ايتتى
استانا. KAZINFORM - قاراعاندىلىق البينا ديەۆيۆىە «قاي ۇلتتىڭ جىگىتىنە تۇرمىسقا شىعاسىڭ» دەگەن سۇراق كوپ قويىلاتىنىن ايتادى.

نەمىس قىزى Azattyq Rhy يۋتۋب-ارناسىنا بەرگەن سۇحباتىندا تەك قازاق جىگىتىنىڭ جارى بولۋدى قالايتىنىن ايتتى.
«بولاشاق جارىمنىڭ قازاق ۇلتىنان بولعانىن قالايمىن. ورىس تىلىندە ءبىر-ءبىرىمىزدى تۇسىنبەي قالاتىن شىعارمىز. ونىڭ ءوزى ءبىر قيىندىق قوي. اتا-انام دا قازاق جىگىتكە تۇرمىسقا شىققانىمدى قالايدى، دەگەنمەن «مىنا ۇلتقا كۇيەۋگە تيمە» دەگەن تىيىم جوق. بارلىق ۇلتقا قۇرمەتپەن قارايمىز. ءوزىمنىڭ جۇرەگىم قازاقتى قالايدى»، - دەدى ول اعىنان جارىلىپ.
نەمىس-تاتار ارالاس وتباسىندا دۇنيەگە كەلگەن البينا ديەۆيۆىەنىڭ وتباسىندا قازاقتىڭ سالت-ءداستۇرى ساقتالعان. وتباسى تەك قازاق تىلىندە سويلەيدى.