جۋرناليستەرگە ارنالعان «پارلامەنت ءسوزى» سىيلىعىنىڭ بيىلعى يەگەرلەرى بەلگىلى بولدى

استانا. KAZINFORM - ماجىلىستە جۋرناليستەرگە ارنالعان «پارلامەنت ءسوزى» سىيلىعىنىڭ بيىلعى يەگەرلەرى مەن ارناۋلى اتالىم جەڭىمپازدارى ماراپاتتالدى.

بيىل جەتى نوميناتسيا بويىنشا 17 ادام ۇزدىك دەپ تانىلدى. سىيلىقتى جەڭىمپازدارعا ءماجىلىس ءتوراعاسى ەرلان قوشانوۆ تاپسىردى.

ول اۋەلى سىيلىق جەڭىمپازدارى مەن بارشا ب ا ق وكىلدەرىن كاسىبي مەرەكەمەن قۇتتىقتادى.

- سوڭعى جىلدارى جۋرناليستەردىڭ قىزمەتىن، ءسوز بوستاندىعىن قامتاماسىز ەتۋ جولىندا كوپ شارۋا اتقارىلىپ جاتىر. مەملەكەت باسشىسى قاسىم-جومارت كەمەل ۇلى توقايەۆتىڭ جۇرگىزىپ وتىرعان ساياساتىنىڭ نەگىزگى وزەگى دە سول. سونىڭ بىردەن- ءبىر كورىنىسى - وسى ءماجىلىس الاڭى. بۇگىنگى تاڭدا ب ا ق - بۇل اقپاراتتى حالىققا جەتكىزۋدىڭ ەڭ ماڭىزدى، وبەكتيۆتى جانە جەدەل ارناسى. ال جۋرناليستەر قاۋىمىن دەپۋتاتتاردىڭ ەلدى دامىتۋ جولىنداعى ناعىز وداقتاستارى دەۋگە بولادى، - دەدى پالاتا سپيكەرى.

ەرلان قوشانوۆ پرەزيدەنتتىڭ تاپسىرماسى بويىنشا ازىرلەنگەن «ماسس-مەديا تۋرالى» جاڭا زاڭدى دەپۋتاتتار جۋرناليستەرمەن بىرگە جازعانىن جانە ولاردىڭ كوپتەگەن ۇسىنىس-پىكىرىن ەسكەرگەنىن اتاپ ءوتتى.

جاڭا زاڭ بۇقارالىق اقپارات قۇرالدارىنىڭ مۇددەلەرىن قورعايدى جانە وتاندىق مەديا سالاسىن جەتىلدىرۋگە مول مۇمكىندىك بەرەدى. ونىڭ جۇمىسىنا جۋرناليستەر اراسىنان شىققان ەڭ بەلسەندى دەپۋتاتتار قاتىستى. ولار ءارقاشان ءوز ارىپتەستەرىمەن بايلانىستا جانە ءماجىلىستىڭ اشىقتىعى ءۇشىن كوپ جۇمىس ىستەيدى.

ايتا كەتۋ كەرەك، 7 اتالىمنىڭ ماراپاتىنا يەلەنگەندەر اراسىندا «قازاقپارات» اگەنتتىگىنىڭ فوتو ءتىلشىسى، 72 جاستاعى ارىپتەسىمىز ۆيكتور فەديۋنين دە بار. ال Jibek Joly تەلەارناسى «پارلامەنت ءسوزى» ارنايى سىيلىعىنا يە بولدى.

سونىمەن، «ۇزدىك باسپا جاريالانىمى ءۇشىن» نوميناتسياسىمەن «تۇركىستان» گازەتىنىڭ باس رەداكتورى باباجان ۇلى باۋىرجان، «يۋريديچەسكايا گازەتا» باسىلىمىنىڭ ءتىلشىسى ساكتاگانوۆا لينارا بورىيەۆنا ماراپاتالدى.

«ۇزدىك تەلەۆيزيالىق سيۋجەت ءۇشىن» نوميناتسياسى بويىنشا «حابار» تەلەارناسىنىڭ ءتىلشىسى برجانوۆا الينا راشيتوۆنا، «Almaty» تەلەراديوكومپانياسىنىڭ ءجۋرناليسى انۋاربەك ءومىر سەرىكبەك ۇلى، «ەۋرازيا» ءبىرىنشى ارناسى» تەلەارناسىنىڭ ءتىلشىسى قاينەتدەن جانەل كەنجەبەك قىزى ۇزدىك دەپ تانىلدى.

«ۇزدىك بەينە-سۋرەت ماتەريالى ءۇشىن» نوميناتسياسى «قازاقپارات» حالىقارالىق اقپارات اگەنتتىگىنىڭ ءفوتوتىلشىسى فەديۋنين ۆيكتور ۆلاديميروۆيچكە، «مير» تەلەارناسىنىڭ تەلەوپەراتورى كۋراكوۆ مارات كۋبايدۋللوۆيچكە تابىستالدى.

«ۇزدىك ينتەرنەت جانە راديو ماتەريالى ءۇشىن» نوميناتسياسىن «BAQ. KZ» اقپارات اگەنتتىگىنىڭ ءتىلشىسى رامانقۇلوۆا گۇلجان ابدىكارىم قىزى، «NS» راديوسىنان بەگيمبەتوۆ ەربول مەيرحان ۇلى، «BES.media» جەلىلىك باسىلىمىنىڭ ءجۋرناليسى بايمانوۆ دامير اسقار ۇلى الدى.

«ارنايى رەپورتاج» نوميناتسياسى بويىنشا «24.kz» تەلەارناسى ء«ماجىلىس live» باعدارلاماسىنىڭ جۇرگىزۋشىسى شولگينا اننا الەكساندروۆنا، «Abai.live» Youtube ارناسىنىڭ جۇرگىزۋشى- رەداكتورى تلەنشيەۆ اباي سەيفۋللا ۇلى، «Zakon.kz» سايتىنىڭ ءتىلشىسى گۋبەنكو اندرەي ولەگوۆيچ ماراپاتتالدى.

«پارلامەنتتىك جۋرناليستيكانى دامىتۋعا قوسقان ۇلەسى ءۇشىن» نوميناتسياسىندا «Qazaqstan» ۇلتتىق ارناسى «Apta» باعدارلاماسىنىڭ جەتەكشىسى جاكسىلىقوۆا جاينا سلامبەك قىزى مەن «ۆرەميا» گازەتىنىڭ باس رەكداكتورى تاراكوۆ ليەۆ يۋريەۆيچ جەڭىسكە جەتتى.

سونداي-اق «پارلامەنت ءسوزى» ارنايى سىيلىعى نوميناتسياسى «Tengrinews.kz» جەلىلىك باسىلىمى مەن «Jibek joly» تەلەارناسىنىڭ ۇجىمىنا تابىستالدى.

Kazinform اگەنتتىگى ارىپتەستەردىڭ بارشاسىن قۇتتىقتايدى.