جۋرناليست گۇلنارا باجكەنوۆاعا قاتىستى سوت ۇكىمى شىقتى

ول سەنىپ تاپسىرىلعان بوتەن مۇلىكتى يەمدەنۋ نەمەسە ىسىراپ ەتۋ، زاڭسىز كاسىپكەرلىكپەن اينالىسۋ جانە كورىنەۋ جالعان اقپارات تاراتۋ باپتارى بويىنشا ايىپتالعان. 
سوت مالىمەتىنشە، 2024-جىلدىڭ قاراشاسى مەن 2025-جىلدىڭ جەلتوقسانى ارالىعىندا باجكەنوۆا «و» ج ش س- ءنىڭ باسشىسى بولا وتىرىپ، قىزمەتتىك وكىلەتتىگىن پايدالانىپ، كومپانيا شوتتارىنان 88,1 ميلليون تەڭگەدەن استام قاراجاتتى يەمدەنگەن. تەرگەۋ نۇسقاسى بويىنشا، بۇل قارجى جالعان جارنامالىق، كاسىبي جانە عىلىمي قىزمەتتەر ءۇشىن تولەم رەتىندە ءوز باقىلاۋىنداعى جەكە كاسىپكەردىڭ ەسەپشوتىنا اۋدارىلعان. سونىمەن قاتار قاراجاتتىڭ ءبىر بولىگى ۇلىنىڭ جەكەمەنشىك حالىقارالىق مەكتەپتەگى وقۋ اقىسىن تولەۋگە جۇمسالعان.
سونداي-اق سوت ونىڭ كاسىپكەرلىك سۋبەكتىسى رەتىندە تىركەلمەي-اق الماتى قالاسىنداعى پاتەرلەردى ساتىپ الۋ جانە ساتۋ ارقىلى 121,2 ميلليون تەڭگە تابىس تاپقانىن، الايدا سالىق تولەمدەرىن تولەمەگەنىن انىقتاعان.
ءىس ماتەريالدارىنا سايكەس، 2024-2025-جىلدارى اقپاراتتىق-تالدامالىق «و» پورتالىنىڭ باس رەداكتورى بولعان باجكەنوۆا الدىن الا ءسوز بايلاسقان ادامدار توبىمەن بىرگە ينتەرنەت-رەسۋرستار مەن الەۋمەتتىك جەلىلەر ارقىلى بىرنەشە رەت كورىنەۋ جالعان اقپارات تاراتقان. سوت مۇنداي ارەكەتتەر ازاماتتاردىڭ، ۇيىمداردىڭ جانە مەملەكەتتىڭ قۇقىقتارى مەن زاڭدى مۇددەلەرىنە ەلەۋلى زيان كەلتىردى دەپ باعالاعان.
سوت ۇكىمىمەن گۇلنارا باجكەنوۆا كىنالى دەپ تانىلىپ، 8 جىلعا باس بوستاندىعىنان ايىرىلدى. سونىمەن قاتار وعان 5 جىل مەرزىمگە بۇقارالىق اقپارات قۇرالدارى، جۋرناليستيكا، بلوگينگ، قوعامدىق ءىس-شارالار جانە وزگە دە قوعامدىق قىزمەت سالاسىندا جۇمىس ىستەۋگە، سونداي-اق ب ا ق- پەن بايلانىستى ۇيىمداردا باسشىلىق جانە ماتەريالدىق جاۋاپتى قىزمەتتەر اتقارۋعا تىيىم سالىندى.
الايدا قىلمىستىق كودەكستىڭ 74-بابىنىڭ 1-بولىگىنە سايكەس، 14 جاسقا تولماعان بالاسىنىڭ بولۋىنا بايلانىستى جازانى ورىنداۋ ەكى جىلعا كەيىنگە شەگەرىلدى.
بۇدان بولەك، سوت ماتەريالدىق شىعىندى وتەۋ رەتىندە 95,9 ميلليون تەڭگە، مەملەكەتتىك باج رەتىندە 2,8 ميلليون تەڭگە، سونداي-اق جابىرلەنۋشى تاراپتىڭ زاڭگەرلىك كومەك پەن پروتسەسسۋالدىق شىعىندارى ءۇشىن 6,8 ميلليون تەڭگە ءوندىرىپ الۋ تۋرالى شەشىم شىعاردى.
سوت ۇكىمى ازىرگە زاڭدى كۇشىنە ەنگەن جوق.