جەر سىلكىنىسىنەن كەيىن الماتىدا تاكسي باعاسى كۇرت كوتەرىلدى
الماتى. KAZINFORM - الماتىلىقتار تاكسي باعاسى قاتتى كوتەرىلىپ كەتكەنىن جەتكىزدى.
الماتى تۇرعىنى نازيرا جۇمىس ورنىنان ۇيىنە دەيىن تاكسيمەن 5 مىڭ تەڭگەگە جەتكەنىن تىلگە تيەك ەتتى.
ايتۋىنشا، جۇمىس ورنى ۇيىنەن ايتارلىقتاي الىس ەمەس. 5-6 كوشە عانا. ادەتتە تاكسي 700 تەڭگە الادى.
«جەر سىلكىنگەن كەزدە جۇمىستا ەدىم. ۇيدە تۇستەن كەيىن وقيتىن بالام جالعىز قالعان. بىردەن بالامدى ويلاپ، ءتىپتى جىلاپ تا جىبەردىم. سوسىن دەرەۋ جەتەيىن دەپ تاكسيدى كوشەگە شىعىپ ۇستادىم. باعاسىن سۇراماستان دەرەۋ وتىرا قالدىم. ۇيگە جەتىپ قالعاندا جۇرگىزۋشىسى سىزدەن 5 مىڭ تەڭگە دەدى. وعان دا ءمان بەرمەي تولەي سالىپ بالاما جۇگىردىم. ەندى، ءسىز سۇراعانان كەيىن ەسىمە ءتۇسىپ وتىر. باعاسىن شارىقتاتىپ جىبەرىپتى. ادامدار نە بوپ بارادى؟» ، - دەيدى قالا تۇرعىنى.
راسىندا، قالا ىشىندە تاكسي قىزمەتى 4-10 مىڭ تەڭگە ارالىعىندا.
ەسكە سالايىق، بۇگىن الماتىدا 5 بالدىق جەر سىلكىنىسى بولدى.
الماتى اكىمدىگى بارلىق جينالۋ پۋنكتىلەرى اشىق ەكەنىن مالىمدەدى.
الماتى پوليتسياسى كۇشەيتىلگەن رەجيمگە اۋىستى.
