جەر سىلكىنىسى: تالعارداعى ءبىلىم بەرۋ ۇيىمدارىندا ساباق بولمايدى
قونايەۆ. KAZINFORM - الماتى وبلىسى تالعار اۋدانىندا جەر سىلكىنىسىنە بايلانىستى مەكتەپتەردە ساباق بولمايدى.
«تالعار اۋدانى بويىنشا ءبىلىم ءبولىمى بۇگىنگى كۇنى جەر سىلكىنىسىنە بايلانىستى بارلىق ءبىلىم بەرۋ ۇيىمدارىندا ساباق بولمايتىندىعىن جانە قاشىقتىقتان وقىتۋ جۇرگىزىلەتىنىن حابارلايدى»، - دەلىنگەن اقپاراتتا.
بالاباقشالار شتاتتىق رەجيمدە جۇمىس ىستەپ تۇر.
«بالاباقشالارعا كەلەر بولساق، مەكتەپكە دەيىنگى مەكەمە شتاتتىق رەجيمدە جۇمىس ىستەپ جاتىر. كەيبىر اتا-انا بالالارىن الىپ كەتىپ جاتىر»، - دەپ اتاپ ءوتتى اۋداندىق ءبىلىم بولىمىنەن.
ەسكە سالايىق، بۇگىنگى جەر سىلكىنىسى تالعار قالاسىندا قاتتى سەزىلگەن بولاتىن. عيماراتتاردىڭ قيراعانى مەن زارداپ شەككەندەر تۋرالى اقپارات تۇسكەن جوق.
ايتا كەتەيىك، بۇگىن ساعان 10-دا الماتى تۇرعىندارى جەر سىلكىنىسىن سەزىندى.
سونداي-اق الماتىلىقتارعا جەر سىلكىنىسى تۋرالى SMS-حابارلاما كەلگەن جوق.
اۆتور
الما مۇقانوۆا
