جەر سىلكىنىسى سالدارىنان الماتىلىقتار سۋسىز قالماي ما
استانا. KAZINORM - الماتى قالاسىنىڭ توڭىرەگىندە ءىرى سۋ نىسانى جوق. بۇل تۋرالى ۇكىمەت وتىرىسىنان كەيىنگى بريفينگتە سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ ايتتى.
«الماتى قالاسىنىڭ توڭىرەگىندە ۇلكەن سۋ نىساندارى جوق. سوندىقتان اۋىز سۋمەن قامتاماسىز ەتەتىن بارلىق جۇيە بۇگىنگى كۇنى قولدانىستاعى قۇرىلىس نورمالارىنا ساي ازىرلەنگەن جانە سالىنعان»، - دەدى مينيستر ب ا ق وكىلدەرىنىڭ ساۋالىنا وراي.
وسى ورايدا ب ا ق وكىلدەرى مينيستردەن جەر سىلكىنىسى ورىن العان جاعدايدا قالا ماڭىنداعى سۋ قويمالارى قانشالىقتى بەرىك ەكەندىگىن سۇرادى.
«قالا جەراستى سۋ كوزدەرى ارقىلى اۋىز سۋمەن قامتاماسىز ەتىلىپ وتىر. وزدەرىڭىز دە كورىپ وتىرسىزدار، كەيىنگى جەر سىلكىنىسى كەزىندە الماتى قالاسىن سۋمەن قامتۋدا ەشقانداي ىركىلىس بولعان جوق»، - دەدى نۇرجان نۇرجىگىتوۆ.
