جەر سىلكىنىسى كەزىندەگى ءادىس-امال جاڭارتىلىپ جاتىر

  ەلىمىزدە جەر سىلكىنىسى كەزىندە قولدانىلاتىن ىزدەۋ-قۇتقارۋ جۇمىستارىن جۇرگىزۋ تەحنيكاسى قايتا جاڭارتىلادى.

وسكەمەندە وتكەن «جەر» كوماندالىق وقۋ-جاتتىعۋ بارىسىندا تىڭ ءادىس تاعى پىسىقتالدى. بۇل تاكتيكا اۋعانستان مەن تۇركيادا ءساتتى قولدانىلعان. ماسەلەن، قازاقستاندىق قۇتقارۋشىلار تۇركياداعى جويقىن ءزىلزالادا مىقتى ۇجىمدىق جۇمىس كورسەتىپ، 7 ادامدى قۇتقارىپ قالعان ەدى. ال بۇگىنگى جاتتىعۋ جوسپارىنا ساي تەربەلىستەن ءبىر عيمارات قۇلاپ، ورتكە ورانادى. قۇتقارۋشىلار كوك ءتۇتىن ىشىنە ارنايى كيىممەن كىرىپ، زارداپ شەككەندەردى تەپلوۆيزورمەن ىزدەيدى. تەپلوۆيزور ءتىرى اعزا تەمپەراتۋراسىن بىردەن تىركەيدى. سونىسىمەن دە ءتيىمدى. بۇدان باسقا، دالادا شتاب قۇرىلىپ، گوسپيتال جاساقتالدى. اۋىر تەحنيكا دا جەتكىزىلدى. ال قالادا جەدەل ەۆاكۋاتسيا ۇيىمداستىرىلدى. ول ءۇشىن سۋ كولىگى دە ۇتىمدى پايدالانىلدى. وكىلەتتى ورگانداردىڭ ازىرلىگى دە سىنالدى.

قاحارمان ورازالين، ق ر ت ج م توتەنشە جاعدايلاردى جويۋ دەپارتامەنتىنىڭ باستىعى:

- ءبىزدىڭ وكىلەتتى ورگانداردىڭ ءبارى بىرگە ءوزىنىڭ جۇمىستارىن اتقارىپ، كومەكتى كورسەتۋ ءۇشىن، ودان كەيىن قاي جەردە قانداي ءبىزدىڭ قۇرالدارىمىز بار، كۇشتەرىمىز بار، سولاردىڭ ءبارىن بۇگىنگى وقۋ-جاتتىعۋدا كورسەتىپ جاتىرمىز. ءوزىمىز سونى باعالاپ، ارى قاراي وسىرە بەرەمىز.

جاقسىلىق ومار، وسكەمەن قالاسىنىڭ اكىمى:

- بۇل جەردە ءبىزدىڭ قالا اكىمدىگىنىڭ 2 باعىتى بار. ادامداردى دايىنداۋ، ادامداردى حابارلاندىرۋ، ولاردى شىعارۋ، قۇتقارۋ جۇمىستارى. ودان كەيىن، ەكىنشىدەن، ءبىزدىڭ قالالىق مەكەمەلەر جۇمىسى، ول: ەنەرگەتيكتەر، جىلۋ جۇيەلەرى، سۋ جۇيەلەرى. وسى جۇمىستىڭ بارلىعىن ۇيلەستىرۋ ءۇشىن وسىنداي وقۋ-جاتتىعۋ جيىندارى وتە قاجەت.

24.kz