جەر سىلكىنىستەرىنەن كەيىن الماتىدا پاتەردى جالعا الۋ باعاسى كۇرت ارزاندادى

استانا. KAZINFORM - الماتىدا سوڭعى سەگىز جىلدا العاش رەت پاتەردى جالعا الۋ باعاسى ارزاندادى، - دەپ حابارلايدى DataHub سايتى.

ۇلتتىق ستاتيستيكا بيۋروسىنىڭ مالىمەتىنشە، الماتىدا اقپان ايىندا تۇرعىن ءۇي نارىعىنداعى باعا قاڭتارمەن سالىستىرعاندا ءۇش سانات بويىنشا بىردەن تومەندەگەن.

پاتەردى جالعا الۋ 2,9 پايىزعا ارزانداعان. باستاپقى نارىقتاعى پاتەرلەردى ساتىپ الۋ قۇنى 1,4 پايىزعا، ەكىنشى دەڭگەيلى نارىقتاعى پاتەرلەر ەكىنشى اي قاتارىنان 0,4 پايىزعا ارزانداعان.

جالپى قازاقستان بويىنشا جاڭا تۇرعىن ءۇي باعاسى %0,4+ وسكەن. مۇنداي وزگەرىس الماتىدان باسقا قاراعاندى ​​(0,3- پايىز) مەن پاۆلوداردا (0,1- پايىز) بايقالادى.

قازاقستان بويىنشا پاتەرلەردى قايتا ساتۋ 1,7 پايىزعا ءوستى. سونىڭ ىشىندە استانادا قايتا ساتۋ باعاسى 5,3+ پايىزعا قىمباتتاعان.

ەلىمىزدە پاتەر جالداۋ اقىسى 1,2 پايىزعا، سونىڭ ىشىندە سەمەيدە 4,4 پايىزعا ارزاندادى.