جەر قادىرىن بىلمەيتىن، پايدا تابۋدىڭ جولى رەتىندە قاراستىراتىن ادامدار قاجەت ەمەس - توقايەۆ

استانا. KAZINFORM - اگرارلىق سەكتور - مەملەكەتىمىزدىڭ جاھاندىق باسەكەگە قابىلەتتىلىگىنە ىقپال ەتەتىن نەگىزگى فاكتورلاردىڭ ءبىرى. بۇل تۋرالى اۋىل شارۋاشىلىعى ەڭبەككەرلەرىنىڭ Ⅲ فورۋمىندا مەملەكەت باسشىسى قاسىم-جومارت توقايەۆ ايتتى.

а
Фото: Үкімет

- مەملەكەت تۋعان جەرىنىڭ وركەندەۋىنە ۇلەس قوساتىن، اۋىلداستارىنىڭ يگىلىگىن ويلايتىن ادال فەرمەرلەر مەن ىسكەر شارۋالارعا ءاردايىم قولداۋ كورسەتەدى. الايدا جەردەن پايدا تاۋىپ جۇرگەنىمەن ۇلكەن قالادا نەمەسە شەتەلدە تۇراتىن بيزنەسمەندەر دە بار. ولار ءتىپتى وزدەرىنىڭ شارۋاشىلىقتارىنا بارمايدى، كوبىنە الەۋمەتتىك جاۋاپكەرشىلىك تانىتۋعا قۇلىقتى ەمەس، وتانداستارىنا جانى اشىمايدى، ادامداردىڭ مۇڭ- مۇقتاجىن تۇسىنە بەرمەيدى، - دەدى قاسىم-جومارت توقايەۆ.

مەملەكەت باسشىسى وسى ورايدا زاڭدى ساۋال تۋاتىنىنا نازار اۋدارتتى.

- بىزگە جەر قادىرىن بىلمەيتىن، حالىقتان الىس، اۋىل شارۋاشىلىعىن تەك پايدا تابۋدىڭ جولى رەتىندە قاراستىراتىن ادامدار قاجەت پە؟ مەنىڭشە، جاۋابى انىق. قاجەت ەمەس. ەندەشە زاڭ جۇزىندە شارالار قابىلداۋ كەرەك. بۇل سالادا كاسىپپەن اينالىساتىنداردىڭ ءبارى، ەڭ الدىمەن، اۋىلداعى تۇرمىس ساپاسىن جاقسارتۋدى ويلاۋعا ءتيىس. اگرارلىق سەكتور - مەملەكەتىمىزدىڭ جاھاندىق باسەكەگە قابىلەتتىلىگىنە ىقپال ەتەتىن نەگىزگى فاكتورلاردىڭ ءبىرى. اسىرەسە، تۇراقسىز زاماندا ونىڭ وزەكتىلىگى ارتا ءتۇستى، - دەدى پرەزيدەنت.