جۇمىسىنان ايىرىلعاندارعا الەۋمەتتىك تولەم بەرىلەدى. بۇل تۋرالى نە بەلگىلى؟

استانا. قازاقپارات - مەملەكەتتىك الەۋمەتتىك ساقتاندىرۋ قورىنان جۇمىسىنان ايىرىلعان قانشا ادام الەۋمەتتىك تولەم العانى بەلگىلى بولدى، - دەپ حابارلايدى Massaget.kz.

قانشا ادام الەۋمەتتىك تولەم الدى؟
مينيسترلىكتىڭ رەسمي اقپاراتىنا سۇيەنسەك، 2024 -جىلعى 1-جەلتوقسانداعى جاعداي بويىنشا جۇمىسىنان ايىرىلۋىنا بايلانىستى الەۋمەتتىك تولەم الۋشىلار سانى - 275,7 مىڭ ادام. ببيىل 235,6 مىڭ ادامعا تولەم العاش رەت تاعايىندالدى. تولەمدەردىڭ جالپى سوماسى 79,3 ميلليارد تەڭگە بولدى.

الەۋمەتتىك تولەم قانداي جاعدايدا بەرىلەدى؟
جۇمىستان بوساتىلعان ازاماتتار مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن جۇمىسىنان ايىرىلۋىنا بايلانىستى الەۋمەتتىك تولەمدەر الادى. تولەم جوعالعان تابىستىڭ %45 ىنا دەيىنگى مولشەردە مەملەكەتتىك الەۋمەتتىك ساقتاندىرۋ قورى قاراجاتى ەسەبىنەن تولەنەدى.

«جۇمىستان ايىرىلعان جاعدايدا تولەنەتىن الەۋمەتتىك تولەم جۇمىستان شىعۋ سەبەپتەرىنە قاراماستان بەرىلەدى، بۇل جۇمىسسىز ادامدى جۇمىس ىزدەگەن كەزەڭدە قولداۋعا ارنالعان»، - دەپ جازىلعان اقپاراتتا.

تولەمدى قالاي الۋعا بولادى؟
تولەم تاعايىندالۋى ءۇشىن جۇمىستان بوساتىلعان ازاماتقا مىنا قادامداردى ورىنداۋ كەرەك:

- eGov.kz پورتالىندا تىركەلۋ؛

- «جۇمىسقا ورنالاستىرۋ جانە جۇمىسپەن قامتۋ» بولىمىندە «جۇمىس ىزدەۋشى ادامداردى تىركەۋ» قىزمەتىن تاڭداۋ؛

- ونلاين قىزمەتكە تاپسىرىس بەرىپ، بارلىق جەردى تولتىرۋ جانە وعان ە س ق-مەن قول قويىپ، ءوتىنىمدى جىبەرۋ قاجەت؛

- ءبىر كۇن ىشىندە تۇرعىلىقتى جەرىڭىزدەگى مانساپ ورتالىعى جۇمىس ورىندارىن ۇسىنادى؛

- جۇمىس تابىلماسا، 3 جۇمىس كۇنى ىشىندە قاشىقتان جۇمىسسىز مارتەبەسى بەرىلەدى (قاجەت بولعان جاعدايدا سىزگە مانساپ ورتالىعى قىزمەتكەرى قوسىمشا اقپارات جيناۋ ءۇشىن حابارلاسادى)؛

بۇل قىزمەتتى ونلاين رەجيمدە ەلەكترون ەڭبەك بيرجاسى (enbek.kz) ارقىلى دا الۋعا بولادى.