جۇمىستان شىعارىلعان اباي اتىنداعى وپەرا جانە بالەت تەاترىنىڭ 9 قىزمەتكەرى شاعىم ءتۇسىردى
الماتى. KAZINFORM - اباي اتىنداعى قازاق ۇلتتىق وپەرا جانە بالەت تەاترىنىڭ قىزمەتكەرلەرى جۇمىستان سەبەپسىز شىعارىلعاندارىن ايتىپ، الەۋمەتتىك جەلىدە شاعىمداندى.
- 1-شىلدەگە دەيىن تەاتردا 9 كاپەلدينەر جۇمىس ىستەدى. سول كۇنى ەڭبەك دەمالىسىنا شىعۋ ءۇشىن ءوتىنىش جازۋعا بارعانىمىزدا بىزگە جۇمىستان بوساتىلعانىمىز تۋرالى ايتىلدى. جۇمىستان شىعۋىمىزدىڭ سەبەبى كەلە جاتقان تەاتردىڭ 90 جىلدىق مەرەيتويىمەن ءتۇسىندىرىلدى. ءبىز تەاتردىڭ زاڭگەرىنە بىرنەشە رەت باردىق. ول بىزگە دورەكى تۇردە شتاتتى قىسقارتۋ تۋرالى قۇجاتتى كورسەتىپ، قولىمىزعا بەرۋدەن باس تارتتى، - دەدى نازەركە ءابىلقاسىموۆا.
ق ر مادەنيەت جانە اقپارات مينيسترلىگىنىڭ باسپا ءسوز قىزمەتى اباي اتىنداعى قازاق ۇلتتىق وپەرا جانە بالەت تەاترىنىڭ قىزمەتكەرلەرىنە قاتىستى جاعداي قولدانىستاعى زاڭناماعا سايكەس تەاتر قۇرىلىمىن قايتا جاساقتاۋعا بايلانىستى ەكەنىن حابارلادى.
- جوعارى بىلىكتىلىكتى قاجەت ەتەتىن لاۋازىمداردى جويىپ، جاڭا لاۋازىمدار ەنگىزىلۋىنە بايلانىستى وزگەرىستەر بولىپ وتىر. وسى وزگەرىستەرگە قاتىسى بار بارلىق قىزمەتكەرگە بوس لاۋازىمدار نەمەسە قىزمەت كورسەتۋ شارتى بويىنشا جۇمىس ۇسىنىلعان، ءبىراق ولار جۇمىستان باس تارتتى. ايتا كەتەيىك، تەاتر بارلىق وتەماقىنى تولەيتىن بولادى، - دەپ حابارلايدى مينيسترلىكتەن.
سونىمەن قاتار، ق ر مادەنيەت جانە اقپارات مينيسترلىگىندە ايتىلعان جاعدايعا زاڭدى تۇرعىدا قىزمەتتىك تەكسەرۋ جۇرگىزىلىپ، ونىڭ ناتيجەلەرى كەيىنىرەك جاريالاناتىن اتاپ ءوتتى.
اۆتور
دوسبول اتاجان
