جۇمىسشى ماماندىقتار جىلى: 10 كاسىبي مەرەكە اتاپ وتىلەدى
استانا. KAZINFORM - ونەركاسىپ جانە قۇرىلىس ءمينيسترى قانات شارلاپايەۆ ۇكىمەت وتىرىسىندا بيىل ەلىمىزدە 10 كاسىبي مەرەكە اتاپ وتىلەتىنىن ايتتى.
- جۇمىسشى ماماندىقتار جىلىنا وراي مينيسترلىك جەتەكشىلىك ەتەتىن سالالارداعى جۇمىسشى ماماندىقتار وكىلدەرىن ماداقتاۋعا ارنالعان 10 كاسىبي مەرەكەنى اتاپ ءوتۋ كوزدەلگەن، - دەدى ول.
سونداي- اق، ۆەدومستۆو جوسپارىندا وقۋشىلار مەن ستۋدەنتتەرگە «اشىق ەسىك كۇندەرىن» ۇيىمداستىرىپ، كوللەدجدەردە جۇمىس جارمەڭكەلەرىن وتكىزۋ كوزدەلىپ وتىر.
- بۇعان قوسا، الەۋمەتتىك ارىپتەستىك جانە ەڭبەك قاتىناستارىن رەتتەۋ بويىنشا جۇمىستار جالعاسادى، - دەدى مينيستر.
ەسكە سالساق، پرەزيدەنت جارلىعىمەن 2025 -جىل جۇمىسشى ماماندىقتارىنىڭ جىلى دەپ جاريالانعان ەدى.
وسىعان دەيىن قانات شارلاپايەۆ قۇرىلىس پەن مەتاللۋرگيا سالاسىندا پايدا بولعان جاڭا ماماندىقتاردى اتاعانىن جازدىق.
