جۇمىس ورنىندا قىزمەتكەرلەر ChatGPT-دى جاسىرىن پايدالانسا نە بولادى؟
Software AG جۇرگىزگەن ساۋالناماعا سايكەس، وي ەڭبەگى قىزمەتكەرلەرىنىڭ جارتىسى ج ي قۇرالدارىن پايدالانادى ەكەن. زەرتتەۋ وي ەڭبەگىنىڭ ادامدارى «كەڭسەلەردە نەگىزىنەن ۇستەلدە نەمەسە كومپيۋتەردە جۇمىس ىستەيتىندەر» دەپ ناقتىلانادى. قىزمەتكەرلەردىڭ كوپشىلىگى ج ي قۇرالدارىن قولدانعانىمەن، ولاردىڭ كومپانيالارىنىڭ IT بولىمدەرى ج ي قۇرالدارىن قولدانۋعا تىيىم سالادى.
«ولاردان رۇقسات العانشا، ۇستالىپ قالساڭ كەشىرىم الۋ وڭاي. ج ي-دى قولدانا بەرىڭىز، كەيىن قيىندىقتار تۋىنداسا، ولاردى تۇزەتىڭىز»، - دەيدى قارجىلىق تەحنولوگيا كومپانياسىندا باعدارلاما جاساۋشى دجون. ونىڭ تولىق اتى بۇل جەردە جاسىرىلعان.
دجون IT- ءبولىمىنىڭ رۇقساتىنسىز جۇمىستا جەكە ج ي قۇرالدارىن پايدالاناتىن كوپ قىزمەتكەردىڭ ءبىرى. دجوننىڭ كومپانياسى ج ي قولدايتىن باعدارلامالىق جاساقتامانى ازىرلەۋ ءۇشىن GitHub Copilot-تى قولدانۋعا رۇقسات بەرەدى. ءبىراق دجونعا Cursor ج ي-ى كوبىرەك ۇنايدى.
«نەگىزىنەن بۇل كود جازۋمەن بايلانىستى. وتە جاقسى جۇمىس ىستەيدى. ول ءبىر ۋاقىتتا 15 جولدى تولتىرادى، سودان كەيىن ءسىز وعان قاراپ: «ءيا، مەن دە وسىلاي جازاتىن ەدىم» دەپ ايتاسىز. ول ءسىزدىڭ ۋاقىتىڭىزدى ۇنەمدەيدى. ءسىز ءوزىڭىزدى ەركىن، جىلدام سەزىنەسىز»، - دەيدى ول.
دجون كومپانيانىڭ رۇقساتسىز پايدالانۋ ساياساتىن بۇزبايدى، ال جۇمىس بەرۋشىدەن رۇقسات الۋ پروتسەسى ۇزاق، قيىن.
«مەن تىم جالقاۋمىن جانە تابىسىم جاقسى. از شىعىنداردىڭ ارتىنان جۇگىرگىم كەلمەيدى. مەن ج ي قۇرالدارىنا ليتسەنزيانى ءبىر جىلعا الۋدىڭ ءتيىمسىز ەكەنىن ايتامىن. ويتكەنى ءۇش ايدان كەيىن ءبارى وزگەرىپ تۇرادى. جاڭا قۇرالدار شىعادى، ءسىز قولداناتىن قۇرال ەسكىرىپ قالادى»، - دەيدى دجون. ول كومپانيالارعا ج ي قۇرالدارىن تاڭداۋدا يكەمدى بولۋدى ۇسىنادى.
جاقىندا قىتايدا جاسالعان تەگىن قولجەتىمدى DeepSeek مودەلى وسىعان دالەل.
پيتەر (اتى-ءجونى وزگەرتىلگەن) جۇمىس ىستەيتىن كومپانيادا Google Gemini AI چات-بوتىن قولدانۋعا رۇقسات ەتىلگەن. باسقا ج ي قۇرالدارىنا تىيىم سالىنادى. ءبىراق پيتەر Kagi ىزدەۋ قۇرالى ارقىلى ChatGPT-دى پايدالانادى. ونىڭ پايىمداۋىنشا، ج ي چات-بوتى وعان تۇتىنۋشىلاردىڭ ءارتۇرلى كوزقاراستارىن بىلۋگە كومەكتەسەدى.
«ج ي سىزگە جاۋاپ بەرمەيدى، ويتكەنى ول سىزگە سپاررينگ سۇحباتتاسۋشى سياقتى. جاڭا ونىمدەرگە جاۋاپ بەرەتىن مەنەدجەر بولعاندىقتان، ماعان ۇلكەن جاۋاپكەرشىلىك جۇكتەلگەن. ال ستراتەگيانى اشىق تالقىلاۋعا مۇمكىندىكتەر از. ChatGPT ونى شەكسىز مولشەردە جاساۋعا مۇمكىندىك بەرەدى»، - دەيدى ول.
ول پايدالاناتىن ChatGPT نۇسقاسى (4o) ۆيدەونى تالداي الادى: «ءسىز باسەكەلەستەردىڭ ۆيدەولارىنىڭ قىسقاشا مازمۇنىن الا الاسىز جانە ۆيدەوداعى ساتتەر جانە ولاردىڭ جەكە ونىمدەرىڭىزبەن قالاي قيىلىساتىنى تۋرالى ج ي قۇرالىن پايدالانىپ، تولىق ناتيجە الاسىز».
ChatGPT-دىڭ كومەگىمەن 10 مينۋتتىڭ ىشىندە 2-3 ساعات كورەتىن ۆيدەونى ساراپتاي الادى. ونىڭ باعالاۋىنشا، جۇمىس ونىمدىلىگىن وسىلاي ارتتىرۋ ءۇشىن كومپانيا تەگىن جۇمىس ىستەيتىن قىزمەتكەرلەردىڭ سانىن %30 عا كوبەيتۋگە تۋرا كەلەر ەدى.
كومپانيالار قۇپيا دەرەكتەردىڭ وزدەرى باقىلاي المايتىن ج ي قۇرالدارىنا ءوتىپ كەتۋىنەن قورقادى.
قازىرگى زامانعى جاساندى ينتەللەكت قۇرالدارى وقىتۋ دەپ اتالاتىن پروتسەستە ۇلكەن كولەمدەگى اقپاراتتى وڭدەۋ ارقىلى جاسالادى. بارلىق ج ي جۇيەلەرى پايدالانۋشى ەنگىزگەن اقپاراتتى پايدالانا وتىرىپ ۇيرەنەدى. بۇل پايدالانۋشى اقپاراتى ج ي قۇرالىنىڭ ءبىر بولىگىنە اينالادى جانە بولاشاقتا باسقا پايدالانۋشىلارعا دا بەرىلەدى دەگەندى بىلدىرەدى.
كومپانيالار نەگە قىزمەتكەرلەرىنە ج ي قۇرالدارىن جۇمىستا پايدالانۋعا تىيىم سالادى؟ ويتكەنى، ولار ج ي قۇرالىنىڭ جاۋاپتارى ارقىلى كومپانيانىڭ كوممەرتسيالىق قۇپيالارى اشىلادى دەپ قورقادى.
ءبىراق Harmonic Security كومپانياسىنىڭ باس ديرەكتورى جانە نەگىزىن قالاۋشى الاستەر پاتەرسون بۇلاي بولۋى ەكىتالاي دەپ سانايدى: «ج ي قۇرالدارى ارقىلى دەرەكتەردى تىكەلەي الۋ وتە قيىن».
دەگەنمەن كومپانيالار قۇپيا دەرەكتەردى وزدەرى باقىلاي المايتىن ج ي قۇرالدارىندا ساقتالۋىنان قورعانادى. كومپانيالارعا ج ي قۇرالدارىن پايدالانۋمەن كۇرەسۋ قيىن بولۋدا. اسىرەسە جاس قىزمەتكەرلەر اقىلدى قۇرالدار وتە پايدالى بولۋى مۇمكىن.
«ج ي بەس جىل بويى جيناعان تاجىريبەنى 30 سەكۋندتا جيناقتاپ بەرە الادى. بۇل جاقسى ەنتسيكلوپەديا نەمەسە كالكۋلياتور سياقتى قۇرالدارسىز جاساي المايتىن نارسەلەردى جاساۋعا مۇمكىندىك بەرەتىن جاقسى كومەكشى»، - دەيدى The Adaptavist Group كومپانياسىنىڭ اتقارۋشى ديرەكتورى سايمون حەيتون-ۋيليامس.
ءبىزدىڭ تالداۋدان شىعاتىن قورىتىندى مىنانداي. قىزمەتكەرلەردىڭ ج ي قۇرالدارىن ۇيدە جانە جۇمىستا قولدانۋ تاجىريبەسى اقىلدى چات-بوتتار دامىعان سايىن جۇمىس بەرۋشىنىڭ ساياساتىنا دا اسەر ەتەدى. ءاربىر قۇرالدىڭ ءوزىنىڭ ەرەكشەلىكتەرى بار، قىزمەت كورسەتۋ سالاسى بار. سوندىقتان مەملەكەتتىك ورگانداردا بولسىن، بيزنەستە بولسىن ج ي قۇرالدارىنا تىيىم سالماي، قىزمەتكەرلەرگە ولاردى قاۋىپسىز قولدانۋ جولدارىن ۇيرەتكەن ءتيىمدى بولار ەدى. قۇپيا دەرەكتەرمەن، جەكە دەرەكتەرمەن جۇمىس ىستەيتىن قىزمەتكەرلەر ءۇشىن بىرنەشە دەڭگەيلى ساقتىق شارالارىن قابىلداۋ دا ماڭىزدى.
