جۇمىس كۇشى تاپشى وڭىرلەرگە قونىس اۋدارۋ سۇرانىسى ارتىپ كەلەدى

Оңтүстіктен солтүстікке қоныс аудару:  Үкіметте жаңа ұсыныстар пысықталады
Фото: Виктор Федюнин/Kazinform

استانا. KAZINFORM - «قۋاتتى وڭىرلەر - ەل دامۋىنىڭ درايۆەرى» ۇلتتىق جوباسى مەملەكەت باسشىسى قاسىم-جومارت توقايەۆتىڭ تاپسىرماسىمەن 2021-جىلدىڭ 12-قازانىندا بەكىتىلگەن بولاتىن.

جوبا تۇرعىن ءۇي قۇرىلىسىن دامىتۋ، تۇرعىن ءۇي-كوممۋنالدىق شارۋاشىلىعىندا جاعدايدى جاقسارتۋ، وڭتايلى كولىك بايلانىسىن قامتاماسىز ەتۋ، كولىكتىك-ترانزيتتىك الەۋەتتى ارتتىرۋ، سونداي-اق حالىقتىڭ بازالىق قىزمەتتەرگە تەڭ قولجەتىمدىلىگىن قامتاماسىز ەتۋ ارقىلى ازاماتتاردىڭ قولايلى ءومىر ءسۇرۋ ورتاسىن قالىپتاستىرۋدى قامتيدى. بۇعان دەيىن قابىلدانعان «نۇرلى جەر» تۇرعىن ءۇي- كوممۋنالدىق شارۋاشىلىقتى دامىتۋ، «نۇرلى جول» ينفراقۇرىلىمدى دامىتۋ، «وڭىرلەردى دامىتۋ» سەكىلدى مەملەكەتتىك باعدارلامالارى ەندى وسى «قۋاتتى وڭىرلەر - ەل دامۋىنىڭ درايۆەرى» ۇلتتىق جوباسىنا بىرىكتى دەسەك بولادى ، - دەپ حابارلايدى Massaget.kz ءتىلشىسى.

2021-جىلدان باستاپ قونىس اۋدارۋ باعدارلاماسى «قۋاتتى وڭىرلەر - ەل دامۋىنىڭ درايۆەرى» ۇلتتىق جوباسىندا ىسكە قوسىلدى. باعدارلامانىڭ نەگىزگى ماقساتى - وڭتۇستىكتەن سولتۇستىككە جانە ەلىمىزدىڭ باسقا دا جۇمىس كۇشى تاپشى وڭىرلەرىنە قونىس اۋدارۋ باعدارلاماسىنىڭ ارتىقشىلىقتارىن پايدالانۋ. جىل سايىن ىسكە اسىپ كەلە جاتقان باعدارلامانىڭ ناتيجەسى ءوز جەمىسىن بەرىپ كەلەدى.

قانداي كومەك بەرىلەدى؟

وتكەن جىلى ۇلتتىق جوبا اياسىندا ەلىمىزدىڭ ەڭبەك كۇشى ارتىق وڭىرلەرىنەن ەڭبەك كۇشى تاپشى وڭىرلەرىنە 8903 ادام ءوز ەركىمەن قونىس اۋداردى. ونىڭ ىشىندە 6492 قونىس اۋدارۋشىلار مەن 2337 قانداستار سانىن قۇرادى. قونىس اۋدارۋشىلارعا مەملەكەتتىك قولداۋ شارالارى كورسەتىلدى. اتاپ ايتساق، وتباسىنىڭ ءاربىر مۇشەسىنە كوشۋگە 70 ا ە ك (2024-جىلى 1 ا ە ك - 3692 تەڭگە) مولشەرىندە ءبىرجولعى تولەم تۇرعىن ءۇيدى جالعا الۋ جانە كوممۋنالدىق قىزمەتتەرگە اقى تولەۋ شىعىندارىن جابۋ ءۇشىن تولەم 1 جىل ىشىندە اي سايىن تولەندى. ياعني، تولەم مولشەرى قالاعا قونىس اۋدارعان ءبىر ادام ءۇشىن 20 ا ە ك - تەن (61,3 مىڭ تەڭگە)، وتباسى مۇشەلەرىنىڭ سانى بەس جانە ودان كوپ ادام بولسا 30 ا ە ك- كە (91,9 مىڭ تەڭگە) دەيىن، اۋىلدىق جەرلەرگە قونىس اۋدارعاندار ءۇشىن - ءبىر ادام ءۇشىن 15 ا ە ك- تەن (45,9 مىڭ تەڭگە) باستاپ، وتباسى مۇشەلەرىنىڭ سانى بەس جانە ودان كوپ بولسا 21 ا ە ك- كە دەيىن (64,3 مىڭ تەڭگە) بەرىلدى. سونداي-اق، جۇمىس ورىندارى جانە جۇمىسپەن قامتۋعا جاردەمدەسۋگە كومەك بەرىلدى.

ۇلتتىق جوبا اياسىندا قونىس اۋدارۋشىلار جالعا بەرىلەتىن پاتەر مەن ءبىرجولعى كومەكتەن بولەك قىسقا مەرزىمدى كاسىپتىك وقىتۋعا جىبەرىلەدى. سونداي-اق، كەمىندە 2 جىل مەرزىمگە تۇراقتى جۇمىسقا قابىلدانعان ءاربىر قىزمەتكەر ءۇشىن 400 ا ە ك مولشەرىندە جۇمىسقا ورنالاسۋعا ءبىرجولعى سۋبسيديا بەرىلەدى.

وتكەن جىلى بارلىق قونىس اۋدارعانداردىڭ ىشىندە 4158 ادام ەڭبەككە جارامدى، ونىڭ 3079 ى تۇراقتى جۇمىسقا ورنالاستىرىلعان، 164 ادام كاسىپكەرلىك قىزمەتپەن اينالىسسا، 35 ادام بيزنەس اشۋ ءۇشىن گرانتتار الدى.

«جايلى باسپانا، جاقسى جۇمىس»

وسى مۇمكىندىكتى پايدالانعانداردىڭ ءبىرى - التىن ارتىقبايەۆا. ول ءوز وتباسىمەن 2022-جىلى تۇركىستان وبلىسىنان پاۆلودار وبلىسىنداعى كوكتوبە اۋىلىنا كوشىپ كەلگەن. 25 جىل بويى ەسكى ۇيدە تۇرعان ول بۇگىندە جاڭا پاتەردىڭ يەسى اتانعان.

«قاي جەردە جۇرسە دە ەڭ باستىسى - جايلى باسپانا دەپ ويلايمىن. بىزگە قاتتى ۇناپ جاتىر. قاي جەردە تۇرعانىڭ ماڭىزدى ەمەس، باسپانالى بولىپ، بالا-شاعانى ءۇيلى-جايلى ەتكەنگە نە جەتسىن؟! كوشكەننەن كەيىن وتباسىمىزعا 612570 تەڭگە سوماسىندا كوشۋگە ماتەريالدىق كومەك بەرىلدى. سونداي-اق تەگىن مەملەكەتتىك جالعا بەرىلەتىن جاڭا تۇرعىن ءۇي بەرىلدى. ايىنا 8 مىڭ تەڭگە عانا تولەيمىن. نەگىزگى ماماندىعىم باستاۋىش سىنىپ مۇعالىمى. جۇمىسقا ورنالاسۋعا جاعداي جاسادى. ۇلىم بىلتىر مەملەكەتتىك گرانت الىپ، كاسىبىن باستادى. قايتارىمسىز گرانت بىزگە ۇلكەن كومەك بولدى»، - دەدى قونىس اۋدارۋشى.

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، بيىل قونىس اۋداراتىندارعا تومەندەگىدەي كۆوتا بولىنگەن:

س ق و 2702 ادام؛

پاۆلودار وبلىسى 2603 ادام؛

قوستاناي وبلىسى 950 ادام؛

شقو 372 ادام؛

اباي وبلىسى 255 ادام؛

ۇلىتاۋ وبلىسى 132 ادام؛

قاراعاندى وبلىسى 36 ادام.

جۇمىس كۇشى تاپشى، حالىق سانى از وڭىردەگى تۇرعىن سانىن ۇلتتىق جوبا اياسىنداعى وسىنداي باعدارلامالار قازاقستاننىڭ تەرريتوريالىق تۇتاستىعىن ساقتاۋعا، ۇلتتىق سالت-سانادان اجىراماۋعا، ءتىل ماسەلەسىنىڭ وڭ شەشىلۋىنە ىقپال ەتەتىنى بەلگىلى. باعدارلاما اياسىندا سوڭعى 4-5 جىلدا بوس تۇرعان جۇمىس ورىندارى وسىنداي ماماندارمەن تولىقتى. ەڭ ماڭىزدىسى - قونىس اۋدارۋشىلار حالىق از شوعىرلانعان سولتۇستىك، قوستاناي، پاۆلودار، شىعىس قازاقستان وبلىستارىنىڭ اۋىل-ايماقتارىن ساقتاپ قالۋعا ءوز ۇلەستەرىن قوسۋدا. بۇل «قۋاتتى وڭىرلەر - ەلدى دامىتۋدىڭ درايۆەرى» ۇلتتىق جوباسىنىڭ بۇگىندە ءار ءوز ناتيجەسىن بەرە باستاعانىنىڭ ايقىن كورىنىسى دەۋگە بولادى.

سوڭعى جاڭالىقتار