جەمەسەڭ تۇسىڭە كىرەدى: قازاقستاننىڭ قاي وڭىرىندە ەتتى كوپ تۇتىنادى

استانا. KAZINFORM - ۇلتتىق ستاتيستيكا بيۋروسى 2023 -جىلدىڭ ءتورتىنشى توقسانىندا جان باسىنا شاققانداعى ازىق-تۇلىك تۇتىنۋ دەرەكتەرىن جاريالادى.

بيۋرونىڭ مالىمەتى بويىنشا، ازىق- تۇلىكتى ساتىپ الۋعا جۇمسالعان شىعىنداردىڭ ەڭ كوپ ۇلەسى ەت جانە ەت ونىمدەرىنە (%17,4) ەكەن. نان ونىمدەرى مەن جارما ونىمدەرىنە - %8، ءسۇت ونىمدەرىنە - %5,4 كەلەدى.

بۇل رەتتە، ەت جانە ەت ونىمدەرىن جامبىل وبلىسىنىڭ تۇرعىندارى كوپ تۇتىناتىن بولىپ شىقتى ( توقسان بويىنشا جان باسىنا شاققاندا 25,8 كەلى). ال، نان جانە جارما ونىمدەرىن ەڭ كوپ تۇتىناتىندار تۇركىستان وبلىسىندا تۇرادى (44,1 كەلى).

بالىق ونىمدەرىن شىعىس قازاقستان وبلىسى، باتىس قازاقستان وبلىسى جانە سولتۇستىك قازاقستان وبلىسى تۇرعىندارىنىڭ اس مازىرىندە ءجيى كەزدەسەدى (5,2 كەلى).
كوكونىستى تۇركىستاندىقتار (23,8 كەلى)، جەمىستى الماتى قالاسىنىڭ تۇرعىندارى (22,1 كەلى)، ال، ءتۇرلى ءتاتتىنى ۇلىتاۋلىقتار (14,4 كەلى) ءجيى تۇتىنادى.

اۆتور
ورالحان قوجانوۆ