جۇماعا كۇن رايى بولجامى

 6-قازان كۇنى فرونتالدى بولىكتەردىڭ وتۋىمەن قازاقستاننىڭ باتىسىندا، سولتۇستىك-باتىسىندا، وڭتۇستىگى مەن وڭتۇستىك-شىعىسىندا نايزاعاي ويناپ، جاڭبىر جاۋادى. 

ەل اۋماعىنىڭ قالعان بولىگىنە انتيسيكلون جوتاسى اسەر ەتىپ، جاۋىن-شاشىنسىز كۇن رايى ساقتالادى. بارلىق وڭىردە تۇمان كۇتىلەدى، وڭتۇستىكتە جانە وڭتۇستىك-شىعىستا ەكپىندى جەل تۇرادى، دەپ حابارلايدى قازاقپارات «قازگيدرومەت» ر م ك-عا سىلتەمە جاساپ.

اتاپ ايتقاندا، اقمولا وبلىسىنىڭ ورتالىعى مەن شىعىسىندا تۇندە توپىراق بەتىندە 3 گرادۋس ۇسىك جۇرەدى.

تۇركىستان وبلىسىنىڭ سولتۇستىگىندە، ءشولدى اۋماعىندا، ورتالىعىندا، شىعىسى مەن وڭتۇستىگىندە اسا جوعارى ءورت قاۋپى ساقتالادى.

جامبىل، ماڭعىستاۋ وبلىستارىندا، اتىراۋ وبلىسىنىڭ وڭتۇستىگى مەن شىعىسىندا ءورت شىعۋ قاۋپى جوعارى.