جەلىدە يران قازاقتارىنىڭ قىز ۇزاتۋ تويىنىڭ ۆيدەوسى تارادى
استانا. KAZINFORM - جەلىدە يران قازاقتارىنىڭ قىز ۇزاتۋ تويىنىڭ ۆيدەوسى تارادى. بەينەنى بەكارىس قوشقارباي ءوزىنىڭ پاراقشاسىندا جاريالادى.
«قالىڭمال 5.000.000 يران ريالى. تەڭگەگە شاققاندا 53.000 تەڭگە ەكەن. ءتىلىن، ءدىنىن، سالت-ءداستۇرىن ساقتاعان شالعايداعى قازاقتار»، - دەپ جازىلعان ۆيدەو استىندا.
بۇعان جەلى قولدانۋشىلارى ءتۇرلى پىكىر قالدىرعان، اراسىندا ۆيدەوعا تامسانعاندار دا تابىلدى.
«مۇزداق، جاتاق ءۇي. مويىندايىق حالقىم بۇلار مىقتى، قىزداردىڭ كوزدەرىندە يناباتتىق پەن تاربيە بار، ءبىز قىزدارىمىزدى ەركىن ۇستايمىز دەپ كورىنگەنگە قور بولىپ ءجۇر»، «يراننىڭ ناق ورتاسىندا وتىرىپ، قازاقتار ناعىز قازاقتىڭ ۇلتتىق ناقىشىن جوعالتپاي-اق، جاۋلىقتارىن ساقتاپ وتىر. ال، قازاقستاندا قازاقتار قارا جامىلىپ، تۇمشالانىپ وزدەرىمەن وزدەرى اۋرە»، «قاراپ كوزىڭ تويادى ەكەن. جاستار باقىتتى بولسىن!» - دەگەن سەكىلدى پىكىرلەر جازعان ولار.
Massaget.kz
