جەلىدە قاسىم-جومارت توقايەۆتىڭ قىتايعا تاجىريبە الماسۋعا بارعان كەزىنەن سۋرەت جاريالاندى
استانا. KAZINFORM - قىتاي. 80- جىلدار جانە ودان باسقا دا.. . اتتى Telegram ارناسىندا پوست شىقتى. وندا قاسىم- جومارت توقايەۆتىڭ كەڭەستىك قىتايتانۋشىلارمەن بىرگە تاجىريبە الماسۋ ءۇشىن العاش رەت اسپاناستى ەلىنە بارعان كەزدەرىنەن سۋرەت جاريالانعان.
بەلگىلى قىتايتانۋشى عالىم يۆان زۋەنكو سول 1983 - جىلى قىتايدا تاعىلىمدامادان وتكەن تانىمال ادامدار تۋرالى ەستەلىگىن جازعان.
- كەڭەستىك قىتايتانۋشىلاردىڭ 1983 -جىلى قىتايعا العاش رەت تاجىريبە الماسۋعا بارعان ساپارى تاقىرىبى ەستەن كەتپەيدى. مەن 1983/1984 - جىلدارداعى سول العاشقى توپتىڭ (10 ادام جانە بارلىعى ماسكەۋدەن، بارلىعى تەك بەيجىڭدە وقىدى) ەكى وكىلىنىڭ سۋرەتىن تاۋىپ الدىم، - دەيدى اۆتور
ونىڭ جازۋىنشا، قىتايتانۋشىلاردىڭ كەيىنگى تولقىنىندا ادام ايتارلىقتاي كوبىرەك بولدى جانە ولار جوعارى ءبىلىمدى اكادەميالىق ورتادا وتە تانىمال ەدى. سوعان قاراپ، 1983/1984-جىلدارداعى توپتان «تاريحي ءىز» قالماعان سياقتى بولۋى ىقتيمال. الايدا، 1983/1984 -جىلدارداعى تولقىننىڭ ەكەۋى قازىر وتە تانىمال ادامدار.
بىرىنشىدەن، قاسىمجومارت توقايەۆ (ول كەزدە ونىڭ ەسىمى وسىلاي جالزىلۋشى ەدى) - فوتودا ول وڭ جاقتا تۇر. ماسكەۋ مەملەكەتتىك حالىقارالىق قاتىناستار ينستيتۋتىنىڭ تۇلەگى، سول كەزدە 30 جاستاعى كسرو سىرتقى ىستەر مينيسترلىگىنىڭ قىزمەتشىسى ەدى. ءقازىر قازاقستان پرەزيدەنتى.
ەكىنشىدەن، يگور مورگۋلوۆ ماسكەۋ مەملەكەتتىك ۋنيۆەرسيتەتى ازيا جانە افريكا ەلدەرى ەلدەرى ينستيۋتىنىڭ 22 جاستاعى تۇلەگى، قازىر رەسەيدىڭ قىتايداعى ەلشىسى.
توقايەۆ وڭ جاقتا تۇر، ەكەۋىنىڭ سول كەزدەگى بىرگە تۇسكەن سۋرەتتەرى تابىلمادى. الايدا توقايەۆتىڭ جانىندا تۇرعان ادام دا تانىمال قىتايتانۋشى اندرەي سارەنكو. سول كەزدە ول ماسكەۋ مەملەكەتتىك حالىقارالىق قاتىناستار ينستيتۋتىنىڭ ستۋدەنتى ەدى، كەيىنىرەك ك س ر و ەلشىلىگىنىڭ قىزمەتشىسى.
- سۋرەت جياڭسۋ پروۆينتسياسىنىڭ ۋسي قالاسىنا ساپار بارىسىندا ءتۇسىرىلدى، ق. ك. توقايەۆتىڭ «بەلاسۋ» كىتابىنان الىندى، - دەپ جازادى اۆتور.
