جەلتوقساندا ەلىمىز بويىنشا 400 دەن استام جارمەڭكە ۇيىمداستىرىلعان
استانا. KAZINFORM - وتكەن سەنبى- جەكسەنبى، 28-29-جەلتوقسان كۇندەرى قازاقستاندا بيىلعى جىلدىڭ سوڭعى اۋىلشارۋاشىلىق ونىمدەرىنىڭ جارمەكەلەرى ءوتتى، دەپ حابارلايدى ق ر ساۋدا جانە ينتەگراتسيا مينيسترلىگىنىڭ باسپا ءسوز قىزمەتى.
قازاقستاندىقتار 2 مىڭ توننادان استام ازىق-تۇلىك، 209120 دانا جۇمىرتقا ساتىپ العان. شىمكەنتتە وتكەن جارمەڭكەلەرگە 140000 دانا جۇمىرتقا ساتىلىمعا شىعارىلسا، 136000 داناسى 52-55 تەڭگەدەن ساتىلعان. سونداي-اق شىمكەنتتىكتەر 90 تەڭگەدەن 4000 دانا نان ساتىپ العان.
ال تۇركىستاندا وتكەن جارمەڭكەلەردە تۇراقتاندىرۋ قورىنداعى ءا م ا ت تاۋارلارىنىڭ بارلىق 19 ءتۇرى ساتىلدى. وندا جۇمىرتقا باعاسى 40 تەڭگە، كۇنباعىس مايىنىڭ ءليترى 520 تەڭگەدەن ساتىلدى. جارمەڭكەگە 700 كەلى ۇن شىعارىلسا، كەلىسى 190 تەڭگەدەن تۇتاستاي ساتىلعان. ال قىزىلوردالىقتار 500 كەلى قىسقى قاربىز ساتىپ العان. بۇل ءونىمنىڭ كەلىسى جارمەڭكەدە 120 تەڭگەدەن ساۋدالانعان.
جەلتوقساندا ەلدە 400 دەن استام اۋىلشارۋاشىلىق جارمەڭكەلەرى ۇيىمداستىرىلدى. جارمەڭكەلەر ساۋدا زاڭناماسىنا ساي وتكىزىلەدى جانە ونداعى باعا نارىقتاعى باعادان %10-15 ارزان.
