جەلتوقسان ايىندا تۇرعىن ءۇي باعاسى قالاي قۇبىلدى

استانا. KAZINFORM - ءبىر جىلدا (2024-جىلعى جەلتوقسان 2023-جىلعى جەلتوقسانعا) پاتەرلەردى قايتا ساتۋ باعالارى - 4,2 پايىز، جاڭا تۇرعىن ۇيلەردى ساتۋ 3 پايىزعا ءوستى.

ۇلتتىق ستاتيستيكا بيۋروسىنىڭ مالىمەتتەرىنە قاراعاندا، اباتتاندىرىلعان تۇرعىن ءۇيدى جالعا الۋ تولەمى وتكەن جىلى 7,9 پايىزعا جوعارىلادى.

وڭىرلەر كەسىندىسىندە العاشقى نارىقتا جىلدىق مانىندە باعا ەداۋىر اقتوبە قالاسىندا - 12,8 پايىز، كوكشەتاۋ قالاسىندا - 10,1 پايىز، تاراز قالاسىندا 10 پايىز قىمباتتادى. قايتالاما نارىقتا باعا ءوسىمىنىڭ ليدەرى - اتىراۋ قالاسى (16,9 پايىز)، استانا قالاسى (12,9 پايىز)، قونايەۆ قالاسى (10,1 پايىز)، تۇرعىن ءۇيدى جالعا الۋ نارىعىندا - تالدىقورعان قالاسى (26,6 پايىز)، استانا قالاسى (25,8 پايىز)، شىمكەنت قالاسى (18,6 پايىز)، ورال قالاسى (16,8 پايىز)، پەتروپاۆل قالاسى (16,4 پايىز).

2024-جىلعى جەلتوقسان ايىندا تۇرعىن ءۇيدى ساتىپ الۋ-ساتۋ بويىنشا 50046 مامىلە تىركەلگەن، ونىڭ ىشىندە جەر ۇيلەر بويىنشا 10488 جانە كوپپاتەرلى ۇيلەردەگى پاتەرلەر بويىنشا 39558 مامىلە جاسالدى. 2024-جىلدىڭ قاراشاسىمەن سالىستىرعاندا (39421) تۇرعىن ءۇيدى ساتىپ الۋ-ساتۋ مامىلەلەرىنىڭ سانى 27 پايىزعا ءوستى. مامىلەلەر سانى بويىنشا استانا (9 911-19,8 پايىز) جانە الماتى (8 845-17,7 پايىز) قالالارى، سونىمەن قاتار، قاراعاندى وبلىسى (3 638-7,3 پايىز) كوش باستاپ تۇر. مامىلەلەر سانى ۇلىتاۋ وبلىسىندا ەڭ از - 645 مامىلە (1,3 پايىز).

2024-جىلدىڭ قاراشاسىمەن سالىستىرعاندا جەلتوقساندا مامىلەلەر ءوسىمى، الماتى وبلىسىن قوسپاعاندا، بارلىق وڭىرلەردە بايقالادى، وندا تۇرعىن ءۇيدى ساتىپ الۋ-ساتۋ مامىلەلەرىنىڭ سانى تەك 0,2 پايىزعا ازايعان. ەڭ كوپ ءوسىم قىزىلوردا (70,2+ پايىز)، جامبىل (45,3+ پايىز) وبلىستارىندا جانە استانا (42,2+ پايىز) قالاسىندا تىركەلدى.

2024-جىلدىڭ قاراشاسىمەن سالىستىرعاندا، كوپپاتەرلى ۇيلەردەگى تۇرعىن ءۇي مامىلەلەر سانى 26,6 پايىزعا (8302 مامىلەگە) كوبەيدى. 2024-جىلدىڭ جەلتوقسان ايىندا پاتەرلەر بويىنشا بارلىعى 3958 مامىلە جاسالدى، بۇل مامىلەلەردىڭ جالپى سانىنىڭ 79 پايىزى. كوپپاتەرلى ۇيلەردەگى تۇرعىن ءۇي ساۋداسىنىڭ نەگىزگى ۇلەسى استانا (24,7 پايىز)، الماتى (20,7 پايىز) قالالارىنا جانە قاراعاندى وبلىسىنا (7,9 پايىز) تيەسىلى. بولمەلەر سانى بويىنشا 2-بولمەلى پاتەرلەر ساتىلىمى باسىم بولدى، 2024-جىلدىڭ جەلتوقسان ايىندا ولار بويىنشا 14980 مامىلە رەسىمدەلگەن.

2024-جىلدىڭ قاراشا ايىمەن سالىستىرعاندا، 2024-جىلدىڭ جەلتوقسانىندا جەكە تۇرعىن ۇيلەر بويىنشا مامىلەلەر سانى 28,5 پايىزعا (2323 مامىلەگە) ءوستى. جەلتوقساندا بارلىعى 10488 مامىلە تىركەلگەن. جەكە تۇرعىن ۇيلەر بويىنشا مامىلەلەر سانىنىڭ ەڭ كوپ ءوسىمى قىزىلوردا (86,2+ پايىز)، ۇلىتاۋ (64,9+ پايىز) جانە شىعىس قازاقستان (57,4+ پايىز) وبلىستارىندا بايقالدى. جەكە تۇرعىن ۇيلەر بويىنشا مامىلەلەر سانىنىڭ ءبىر ايداعى تومەندەۋى تىركەلمەگەن.

2024-جىلعى جەلتوقساندا تۇرعىن ءۇيدى ساتىپ الۋ-ساتۋ مامىلەلەرى الدىڭعى جىلدىڭ ءتيىستى ايىمەن سالىستىرعاندا 32,3 پايىزعا كوبەيگەن، ول كەزدە 37818 مامىلە رەسىمدەلگەن بولاتىن. مامىلەلەر سانىنىڭ ەڭ جوعارعى ءوسىمى پاۆلودار وبلىسىندا (72,4 پايىز) بايقالادى، ەڭ ۇلكەن تومەندەۋ - تۇركىستان وبلىسىندا (-13,9 پايىز). 2024-جىلدىڭ قاڭتار-جەلتوقسان ايلارىنداعى مامىلەلەر سانىن 2023-جىلعى قاڭتار-جەلتوقسان ايلارىنداعى مامىلەلەر سانىمەن سالىستىرعاندا 16,8 پايىزعا ءوسىم بايقالادى.

وسىعان دەيىن استانادا زاڭسىز تۇرعىزىلعان تۇرعىن ءۇي كەشەنى سۇرىلەتىنى تۋرالى جازدىق.