جەلتوقسان ايىنان باستاپ كولىكتەردىڭ ورتاشا جىلدامدىعى ەسەپكە الىنادى- ءى ءى م
استانا. KAZINFORM – ق ر ىشكى ىستەر مينيسترلىگى اۆتوكولىكتەردىڭ «ورتاشا جىلدامدىعى» حالىقارالىق، رەسپۋبليكالىق ماڭىزى بار جولداردىڭ قالادان تىس جانە ءتۇزۋ جولدارىندا عانا اۆتوماتتى تۇردە ەسەپتەلەتىنىن ءمالىم ەتتى.
«قازاقستان پرەزيدەنتى بيىلعى 3-قازاندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كولىك قۇرالدارىنىڭ جەكەلەگەن تۇرلەرىنىڭ قوزعالىسىن ۇيىمداستىرۋ جانە جول قاۋىپسىزدىگىن سيفرلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا جانە ىلەسپە قۇجاتقا قول قويدى. بۇل جاڭا وزگەرىستەر ەكى كەزەڭدە ەنگىزىلەدى. وسى جىلدىڭ 4 جەلتوقسانىنان باستاپ وزگەرىستەردىڭ نەگىزگى بولىگى ەنگىزىلسە، 2025 -جىلدىڭ 4 ساۋىرىنەن باستاپ موپەدتەرگە قاتىستى تولىقتىرۋلار قولدانىسقا ەنەدى»، - دەلىنگەن ءى ءى م باسپا ءسوز قىزمەتىنىڭ Kazinform اگەنتتىگىنە بەرگەن جاۋابىندا.
اتاپ ايتقاندا، بۇل زاڭناماعا «كولىك قۇرالى قوزعالىسىنىڭ ورتاشا جىلدامدىعى» ۇعىمى ەنگىزىلدى جانە ونى ەسەپتەۋ ءتارتىبى قاراستىرىلدى. بۇل ءتارتىپ حالىقارالىق، رەسپۋبليكالىق ماڭىزى بار جالپىعا ورتاق پايدالانىلاتىن جولدار ۋچاسكەسىنىڭ ۇزىندىعىن كولىك قۇرالى قانشا ۋاقىتتا ءجۇرىپ وتسە، سول ۋاقىت ارالىعىنا ءبولىپ ەسەپتەۋ ارقىلى ايقىندالادى.
«اۆتوماتتى رەجيمدە جۇمىس ىستەيتىن سەرتيفيكاتتالعان ارنايى باقىلاۋ-ولشەۋ تەحنيكالىق قۇرالدارىمەن جانە جابدىقتارمەن كولىك قۇرالىنىڭ ورتاشا قوزعالىس جىلدامدىعىن ايقىنداۋ ناتيجەلەرى بويىنشا ەڭ جوعارى قوزعالىس جىلدامدىعىنان اسىپ كەتۋ فاكتىسى انىقتالادى. وسىلايشا، كولىكتىڭ ورتاشا جىلدامدىعى بەكىتىلىپ، ونى ەسەپتەۋ ءتاسىلى ايقىندالعاننان كەيىن، سول ارقىلى جۇرگىزۋشىلەردىڭ بەلگىلەنگەن قوزعالىس جىلدامدىعىن ساقتاۋىن باقىلاۋ جۇزەگە اسىرىلادى. «ورتاشا جىلدامدىق» ارنايى جابدىقتار جانە قۇرالدار ارقىلى تەك قانا حالىقارالىق، رەسپۋبليكالىق ماڭىزى بار جولداردىڭ قالادان تىس جانە ءتۇزۋ جولدارىندا عانا اۆتوماتتى تۇردە ەسەپتەلەدى»، - دەلىنگەن ۆەدومستۆو اقپاراتىندا.
ەسكە سالساق، جاقىندا كولىك ءمينيسترى مارات قارابايەۆ قازاقستانداعى رەسپۋبليكالىق ماڭىزداعى اۆتوجولداردا ءار كولىكتىڭ ورتاشا جىلدامدىعىن ولشەيتىن ارنايى جۇيە ورناتىلىپ جاتقانىن ايتتى.
«قازىر ءبىزدىڭ كامەرالاردى اكىمشىلىك قۇقىق بۇزۋشىلىقتىڭ ءبىرىڭعاي ءتىزىلىمى جۇيەسىنە قوسىپ ورناتۋ ءجۇرىپ جاتىر. جەلتوقسان ايىنىڭ ورتاسىنا قاراي بۇل ينتەگراتسيانى اياقتايمىز دەپ ويلايمىن. وسىدان كەيىن ەرەجە بۇزۋ دەرەكتەرىن ەسەپكە الۋ باستالادى»، - دەدى مينيستر.
