جۇلدە قورى - 100 مىڭ دوللار: الماتىدا دزيۋدودان حالىقارالىق جارىس وتەدى

الماتىدا 21- جەلتوقسان كۇنى تۇڭعىش رەت دزيۋدودان ەرلەر اراسىنداعى حالىقارالىق كوماندالىق «Jenys Cup» تۋرنيرى وتەدى، دەپ حابارلايدى Kazіnform.

ق ر ۇلتتىق وليمپيادالىق كوميتەتىنىڭ باسپا ءسوز قىزمەتى حابارلاعانداي، كوماندالىق تۋرنير 66 كەلى، 73 كەلى، 81 كەلى، 90- كەلى، 90+ كەلى سالماق دارەجەلەرىندەگى ەرلەر اراسىندا وتەدى.

بۇگىنگى كۇنگە دەيىن جارىسقا قازاقستان، تۇركيا، فرانسيا، رەسەي، بەلارۋس، وزبەكستان، تاجىكستان، قىرعىزستان، گرۋزيا، يسپانيا ەلدەرىنەن 17 كلۋب تىركەلگەن.

جارىس ەرەجەسى بويىنشا ءار سالماق دارەجەسىندە كوماندالار ءبىر-بىرىمەن اينالمالى جۇيە بويىنشا كەزدەسەدى.

قاتىسۋشىلاردىڭ قاتارىندا وليمپيادا جۇلدەگەرلەرى گۋرام تۋشۋشۆيلي (گرۋزيا)، الەم جانە ازيا چەمپيوندارى لۋكا مايسۋرادزە (گرۋزيا)، شالۆا گۋرەشيدزە (گرۋزيا)، سومون ماحمادبەكوۆ (تاجىكستان)، باسحۋ يوندونپەرەنلەين (موڭعوليا) جانە الەمدىك Grand Slam، حالىقارالىق دارەجەدەگى تۋرنيرلەردىڭ جەڭىمپازدارى مەن جۇلدەگەرلەرى ودحيۋگين سەسەنتسەنتسەنگەل (موڭعوليا)، ياكۋب شاميلوۆ (رەسەي)، ايبەك سەرىكبايەۆ (قازاقستان)، شاحرام احادوۆ (وزبەكستان)، كۋبانىچبەك ايبەكۋۋلۋ (قىرعىزستان)، حودجازودا بەحرۋز (تاجىكستان)، كارامات گۋسەينوۆ (ءازىربايجان) بار.

«Jenys Cup» تۋرنيرىنىڭ جالپى جۇلدە قورى 100 مىڭ ا ق ش دوللارىن قۇرايدى: 1- ورىن - 30 مىڭ ا ق ش دوللارى، -2 ورىن - 20 مىڭ ا ق ش دوللارى، ەكى 3- ورىن ءارقايسىسى 10 مىڭ ا ق ش دوللارىنان سىياقى الادى.

سونىمەن قاتار جارىس بارىسىندا ۇزدىك دزيۋدوشى، ۇزدىك كوماندالىق سپورتشى انىقتالىپ، ارنايى قارجىلاي سىيلىقتار تابىستالاتىن بولادى.

جارىس 21- جەلتوقسان كۇنى الماتىدا ساعات 9:00 دە باستالادى.

اۆتوركۇنسۇلتان وتارباي