جۇكتەردىڭ مەملەكەتتىك شەكارا ارقىلى ءوتۋ مەرزىمدەرىن قىسقارتۋ كەرەك - ۇكىمەت باسشىسى

- مەملەكەت باسشىسى 2035-جىلعا قاراي گازداندىرۋ دەڭگەيىن %80 عا دەيىن جەتكىزۋدى تاپسىردى. بيىل بۇل كورسەتكىش %64,5 عا جەتۋگە ءتيىس. ەنەرگەتيكا مينيسترلىگىنە «QazaqGaz» كومپانياسىمەن جانە ءوڭىر اكىمدىكتەرىمەن بىرلەسىپ، قولدانىستاعى ينفراقۇرىلىمدى جاڭعىرتۋ، ماگيسترالدىق گاز قۇبىرلارىن ۋاقتىلى سالۋ جانە گاز سالاسىنداعى ءىرى جوبالاردى جۇزەگە اسىرۋ شارالارىن قابىلداۋدى تاپسىرامىن، - دەدى ولجاس بەكتەنوۆ.

سونىمەن قاتار پرەمەر-مينيستر كولىك مينيسترلىگىنە مۇددەلى مەملەكەتتىك ورگاندارمەن جانە كومپانيالارمەن بىرگە جوسپارلانعان ينفراقۇرىلىمدىق جوبالاردىڭ ۋاقتىلى اياقتالۋىن قامتاماسىز ەتىپ، جۇك جانە ترانزيتتىك تاسىمال كولەمىن ارتتىرۋدى تاپسىردى.

- بۇدان بولەك، كولىك جانە قارجى مينيسترلىكتەرى مەملەكەتتىك ورگاندارمەن بىرگە جۇكتەردىڭ مەملەكەتتىك شەكارا ارقىلى ءوتۋ مەرزىمدەرىن قىسقارتۋ، اكىمشىلىك كەدەرگىلەردى جويۋ جانە ءبىرىڭعاي سيفرلىق ىلەسپە قۇجاتتاردى ەنگىزۋ باعىتىندا ناقتى شارالار قابىلداۋى كەرەك. قوسىمشا جۇك اينالىمىن قامتاماسىز ەتىپ، لوگيستيكا ورتالىقتارىن دامىتۋعا جانە قولدانىستاعى كولىك دالىزدەرىنىڭ جۇكتەمەسىن ارتتىرۋعا ەرەكشە نازار اۋدارۋ قاجەت، - دەدى ۇكىمەت باسشىسى.

بۇعان دەيىن پرەمەر-مينيستر ۇكىمەتتىڭ باستى مىندەتى ينفلياتسيانى 10 پايىزدان تومەن دەڭگەيدە ۇستاپ تۇرۋ ەكەنىن ايتقان بولاتىن.