جەكە كۋالىكتىڭ جاڭا ۇلگىسىندە قازاقستاندىقتاردىڭ جىنىسى كورسەتىلۋى مۇمكىن
استانا. KAZINFORM - ىشكى ىستەر مينيسترلىگى جەكە كۋالىكتىڭ ۇلگىسىن وزگەرتۋدى كوزدەيتىن نورماتيۆتىك قۇجاتتىڭ جوباسىن اشىق تالقىلاۋعا شىعاردى.
«قازاقستان رەسپۋبليكاسىنىڭ ازاماتى جەكە كۋالىگىنىڭ بەتكى جاعىندا قازاقستان رەسپۋبليكاسى ازاماتىنىڭ جەكە كۋالىگى يەسىنىڭ فوتوبەينەسى، قولى جانە دەربەس دەرەكتەرى: تەگى، اتى، اكەسىنىڭ اتى (بار بولسا)، تۋعان كۇنى، جىنىسى جانە جەكە سايكەستەندىرۋ ءنومىرى ورنالاسادى» دەپ جازىلعان بۇيرىقتىڭ جوباسىندا.
ال كۋالىكتىڭ ارتقى جاعىنا قۇجات يەسىنىڭ ازاماتتىعى تۋرالى مالىمەت جازىلادى.
«قازاقستان رەسپۋبليكاسى ازاماتىنىڭ جەكە كۋالىگىنىڭ سىرتقى جاعىندا شتريح- كود تۇرىندە كودتالعان ج س ن، ميكروسحەمانىڭ بايلانىس بولىگى، جەكە كۋالىك يەسىنىڭ تۋعان جەرى، ۇلتى جانە ازاماتتىعى تۋرالى دەربەس دەرەكتەرى، سونداي- اق كۋالىك بەرگەن ورگان، بەرىلگەن كۇنى جانە قولدانىلۋ مەرزىمى تۋرالى مالىمەت ورنالاسادى. كۋالىك يەسىنىڭ ۇلتى تۋرالى مالىمەت ونىڭ قالاۋى بويىنشا كورسەتىلەدى» دەلىنگەن.
ۇسىنىلىپ وتىرعان ۇلگىنى مىنا جەردەن كورۋگە بولادى.
