جەكە ادامداردىڭ قولىندا كەتكەن 500 دەن استام جادىگەر مۋزەيگە قايتارىلعان

استانا. KAZINFORM - سوت شەشىمىمەن تاركىلەنگەن جەكە ادامدارعا تيەسىلى 500 دەن استام جادىگەر مۋزەي قورىنا وتكىزىلدى. بۇل جايىندا مادەنيەت جانە اقپارات مينيسترلىگىنەن ءمالىم ەتتى.

қару
Фото: ҚР ПІБ Президенттік орталығы

«جالپى شەتەل اسقان مادەني قۇندىلىقتاردى ەلگە قايتارۋ - مادەنيەت سالاسىنىڭ باسىم باعىتتارىنىڭ ءبىرى. ەلىمىزدىڭ قازاق حالقىنا تيەسىلى مادەني قۇندىلىقتاردى تاريحي وتانىنا قايتارۋ ماسەلەسىندە وزىندىك تاجىريبەسى بار. سوڭعى جىلدارى ەلىمىزگە ءبىرقاتار تاريحي قۇندى زاتتار قايتارىلدى. اتاپ ايتقاندا، رەسەي عىلىم اكادەمياسىنىڭ I پەتر اتىنداعى انتروپولوگيا جانە ەتنوگرافيا مۋزەيىنەن (كۋنستكامەرا) كەيكى باتىردىڭ باس سۇيەگى تاريحي وتانى قوستاناي وبلىسىنا جەتكىزىلدى. سونداي- اق، قازاقستان رەسپۋبليكاسى پرەزيدەنتتىك مادەني ورتالىعىنىڭ قورىنان ءتۇرلى جىلدارى زەرتتەۋ جانە عىلىمي جۇمىستارىن جۇرگىزۋ ءۇشىن ا ق ش- تىڭ پەنسيلۆانيا شتاتىنداعى كارنەگي جاراتىلىس تاريحي مۋزەيىنە (پيتسبۋرگ قالاسى، وكلەند قالاشىعى) ۋاقىتشا پايدالانۋعا بەرىلگەن 528 دانا جادىگەر ء(ۇي جانۋارلارى سۇيەكتەرىنىڭ فراگمەنتتەرى) 2020 -جىلى ەلوردامىزداعى ۇلتتىق مۋزەي قورىنا قايتارىلدى»، - دەپ اتاپ وتەدى مينيسترلىكتەن اگەنتتىكتىڭ رەسمي ساۋالىنا وراي.

ۆەدومستۆو مالىمەتىنشە، سوڭعى 3 جىل ىشىندە مينيسترلىككە قاراستى رەسپۋبليكالىق مۋزەيلەر مەن قۇقىق قورعاۋ ورگاندارى بىرلەسىپ، سوت شەشىمىمەن تاركىلەنگەن جەكە ادامدارعا تيەسىلى 500 دەن استام مۋزەيلىك ماڭىزى بار زاتتاردى مۋزەي قورىنا قابىلدادى.

«اتاپ ايتقاندا، ورتالىق مەملەكەتتىك مۋزەي قورى ءتۇرلى تاريحي كەزەڭدەردىڭ تاريح، مادەنيەت جانە ونەر سالاسىنان حابار بەرەتىن 360 قۇندىلىقپەن، ۇلتتىق مۋزەيدىڭ قورى 176 دانا ەكسپوناتپەن (مامونتتاردىڭ ءمۇيىزى) تولىقتى. وسىعان وراي، اتالعان ماسەلەنىڭ ماڭىزدىلىعىن ەسكەرە وتىرىپ، مۋزەي جانىنان قازاق حالقىنىڭ تاريحى مەن مادەنيەتىنە قاتىسى بار قۇندىلىقتاردى ىزدەستىرۋ، انىقتاۋ جانە قايتارۋ ماسەلەلەرى بويىنشا جۇمىس توبى تۇراقتى جۇمىس جاساپ كەلەدى. ونىڭ قۇرامىنا تاريح عىلىمدارىنىڭ دوكتورى، پروفەسسور ج. تايماعامبەتوۆ، تاريح عىلىمدارىنىڭ دوكتورى، پروفەسسور ز. ساماشيەۆ، تاريح عىلىمدارىنىڭ كانديداتى، قارۋ- جاراق ءىسى بويىنشا زەرتتەۋشى ق. احمەتجان سىندى عالىمدار مەن شىعارماشىلىق ينتەلليگەنتسيا وكىلدەرى كىرەدى»، - دەدى مينيسترلىكتەن.

سوڭعى جاڭالىقتار