جەكە ادامداردىڭ شەتەلدەن كولىك اكەلۋ ماسەلەسى قارالىپ جاتىر - مينيستر
استانا. KAZINFORM - ب ا ق- تا 1- جەلتوقساننان باستاپ جەكە تۇلعالاردىڭ شەتەلدەن 3 جىلعا دەيىنگى جاڭا كولىك كىرگىزۋىنە توسقاۋىل قويىلاتىنى تۋرالى مالىمەت تاراپ جاتىر. قارجى ءمينيسترى ءمادي تاكيەۆ ءماجىلىس وتىرىسىنان كەيىن وتكەن باسپا ءسوز ءماسليحاتىندا وسى اقپاراتقا تۇسىنىكتەمە بەردى.
«بۇل ماسەلەنى جالپى بىرنەشە مينيسترلىك قاراپ جاتىر. ونى ءوزىمىز الىپ شىعارىپ جاتقان جوقپىز. ءبىز شەتەلدەن كولىك كىرگىزۋ پروتسەسىنىڭ تىزبەگىندە ەڭ شەتىندە تۇرمىز - شلاگباۋمدى اشامىز دا، جابامىز. ول ماسەلەنى قارايتىن ساۋدا مينيسترلىگى، ونەركاسىپ مينيسترلىگى بار. كەشە ۇكىمەت وتىرىسىندا ايتتىم، وسى سۇراقتى قايتا قارايىق دەدىم. بارشا تاۋەكەلدەردى قايتا قاراپ شىعايىق دەپ ايتتىق. بۇل وزگەرىس تۋرا 1 - جەلتوقساننان باستاپ كۇشىنە ەنەدى دەپ ايتۋعا ەرتە. ياعني، 1- جەلتوقساندا وزگەرىس بولادى دەپ كۇتپەۋگە بولادى. ءبىر اپتانىڭ ىشىندە ناقتى شەشىم قابىلدايمىز»، - دەدى مينيستر.
ايتا كەتۋ كەرەك، مەملەكەتتىك كىرىستەر دەپارتامەنتىنەن تاراعان مالىمەت بويىنشا، 1- جەلتوقساننان باستاپ شەتەلدەن كولىك كىرگىزۋدىڭ ءتارتىبى وزگەرۋى كەرەك بولعان. ناقتىراق ايتساق، قازاقستاندىقتار شەتەلدەن ەل اۋماعىنا كىرگىزەتىن كولىكتەردىڭ تەحنيكالىق رەگلامەنتكە سايكەستىگى تۋرالى قۇجات راسىمدەۋگە مىندەتتەلمەك. ول ونداي قۇجاتتى تەك زاڭدى تۇلعالار عانا راسىمدەي الادى. وسىلايشا قاراپايىم ازاماتتاردىڭ ءوز بەتىمەن شەتەلدەن كولىك ايداپ اكەلۋىنە توسقاۋىل قويىلۋى مۇمكىن.
