جەكە ادامدارعا اۆتوكولىكتى ليزينگكە الۋعا مۇمكىندىك بەرەتىن قۇجات پىسىقتالىپ جاتىر

Фото: freepik.com
Фото: freepik.com

استانا. KAZINFORM – ق ر ۇلتتىق ەكونوميكا مينيسترلىگى جەكە ادامداردىڭ اۆتوكولىك پەن باسپانانى ليزينگكە الۋىنا مۇمكىندىك بەرەتىن قۇجاتقا قاتىستى تۇسىنىك بەردى.

«ق ر پارلامەنتى ءماجىلىسىنىڭ دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەكە تۇلعالار ءۇشىن ليزينگ ەنگىزۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا باستاماشىلىق جاسادى. ۇسىنىلعان تۇزەتۋلەر حالىقتىڭ شامادان تىس نەسيە الۋ دەڭگەيىن تومەندەتۋ جانە ازاماتتاردىڭ الەۋمەتتىك ءال-اۋقاتى، سونداي-اق بانك سەكتورىنىڭ جانە جەكە ليزينگتىك كومپانيالار نارىعىنىڭ باسەكەگە قابىلەتتىلىگىن دامىتۋ جونىندەگى مىندەتتەردى ىسكە اسىرۋعا باعىتتالعان»، - دەلىنگەن ۇلتتىق ەكونوميكا مينيسترلىگىنىڭ Kazinform اگەنتتىگىنە بەرگەن جاۋابىندا.

قازىرگى كەزدە زاڭ جوباسى مۇددەلى مەملەكەتتىك ورگانداردا پىسىقتالىپ جاتىر.

ايتا كەتەيىك، قولدانىستاعى ق ر «قارجى ليزينگى تۋرالى» زاڭىنىڭ 4-بابىنا سايكەس ۇيلەر، عيماراتتار، ماشينالار، جابدىقتار، قۇرال-سايماندار، كولىك قۇرالدارى، جەر ۋچاسكەلەرى جانە كەز كەلگەن باسقا دا زاتتار جەكە كاسىپكەرلەر مەن زاڭدى تۇلعالار ءۇشىن ليزينگ نىساناسى بولا الادى.

سوڭعى جاڭالىقتار