جەكە ادامدار اۆتوكولىك پەن جىلجىمايتىن مۇلىكتى ليزينگكە الادى - زاڭ جوباسى

استانا. KAZINFORM - پارلامەنت ءماجىلىسىنىڭ قاراۋىنا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەكە تۇلعالار ءۇشىن ليزينگ ەنگىزۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى كەلىپ ءتۇستى.

Мәжіліс
فوتو: ءالي عالىم

بۇل زاڭ جوباسىن پارلامەنت دەپۋتاتتارى ازىرلەدى.

- وسى قۇجات اياسىندا جەكە كاسىپكەر سانالمايتىن جەكە تۇلعالارعا ليزينگ ەنگىزۋ قاراستىرىلعان. بۇل ءوز كەزەگىندە ولارعا اۆتوكولىك جانە جىلجىمايتىن مۇلىك سياقتى اكتيۆتەر الۋعا مۇمكىندىك بەرەدى، - دەدى ءماجىلىس دەپۋتاتى تاتيانا ساۆەليەۆا.

ونىڭ ايتۋىنشا، اتالعان قۇجات قابىلدانعان جاعدايدا، ازاماتتاردىڭ قارجى قىزمەتتەرىنە قول جەتكىزۋ مۇمكىندىگى ارتادى.

- ءماجىلىستىڭ قارجى جانە بيۋدجەت كوميتەتى بۇل زاڭ جوباسى بويىنشا قورىتىندى ازىرلەۋگە دايىن، - دەدى دەپۋتات.

ەسكە سالساق، بىلتىر جەكە ادامدارعا اۆتوكولىكتى ليزينگكە الۋعا مۇمكىندىك بەرەتىن قۇجات پىسىقتالىپ جاتقانىن جازعان ەدىك.

ۇسىنىلعان تۇزەتۋلەر حالىقتىڭ شامادان تىس نەسيە الۋ دەڭگەيىن تومەندەتۋ جانە ازاماتتاردىڭ الەۋمەتتىك ءال- اۋقاتى، سونداي-اق بانك سەكتورىنىڭ جانە جەكە ليزينگتىك كومپانيالار نارىعىنىڭ باسەكەگە قابىلەتتىلىگىن دامىتۋ جونىندەگى مىندەتتەردى ىسكە اسىرۋعا باعىتتالعان.

 

سوڭعى جاڭالىقتار